Агенцијата за финансиска поддршка во земјоделството и руралниот развој го објави Јавен повик бр. 01/2026 за доставување барања за исплата на средства од Програмата за финансиска поддршка на руралниот развој за 2026 година.
Повикот се однесува на:
Мерка 213 – Помош за зачувување на руралните предели и нивните традиционални карактеристики
Мерката овозможува финансиска поддршка за:
- одржување на висински пасишта и ливади
- поддршка на традиционално сточарство
- обезбедување средства за вработени лица во сточарските стопанства
Висина на финансиската поддршка
• 100% од просечна нето-плата за населени места со надморска висина ≥ 700 метри
• 60% од просечна нето-плата за населени места со надморска висина < 700 метри
• Максимум до 620.000 денари по вработено лице
Оваа мерка има за цел да обезбеди економска стабилност на сточарските стопанства и да придонесе кон зачувување на руралните подрачја.
Критериуми за вработување
За користење на поддршката потребно е да се исполнат следните услови:
• 1 вработено лице на 150 овци
• 1 вработено лице на 100 кози
• 1 вработено лице на 50 говеда
Бројот на вработени лица мора да се задржи најмалку една година по исплатата на средствата.
Право на учество
Право на аплицирање имаат регистрирани земјоделски стопанства запишани во Единствениот регистар на земјоделски стопанства.
Начин на аплицирање
Обрасците и упатствата за аплицирање се достапни:
• на официјалната веб-страница на Агенцијата
• лично во просториите на Агенцијата (08:00 – 14:00 часот)
Кликни овде да ги превземеш документите
Краен рок
Краен рок за доставување на барањата е 31.03.2026 година.
Барањата доставени по истекот на рокот нема да бидат разгледувани.
Доколку сте сточар и ги исполнувате условите, ова е добра можност за дополнителна финансиска поддршка и стабилизација на вашето производство.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
