Ценовник за рекреативен риболов на Козјак – Поречко Езеро за 2026 година
Јавното претпријатие за управување и заштита на повеќенаменското подрачје Јасен донесе одлука за усвојување на цените за висината на надоместокот на риболовните дозволи за рекреативна зона „Козјак – Поречко Езеро“ на риболовното подрачје „Козјак“ за 2026 година. Одлуката е донесена на седница на Управниот одбор одржана на 25 декември 2025 година.
Според објавениот документ, во 2026 година за спортско-рекреативен риболов на ова подрачје ќе важат следните цени:
Еднодневна дозвола – 300 денари
Три дневна дозвола – 800 денари
Месечна дозвола – 2.000 денари
Годишна дозвола – 4.000 денари
Во одлуката е наведено дека цените се усвојуваат врз основа на предлог-известување бр. 03-700/1 од 11.12.2025 година, а документот е составен дел од самата одлука. Истовремено, се посочува дека оваа одлука стапува на сила со денот на донесувањето.
Ова е важна информација за сите љубители на рекреативниот риболов кои планираат да ловат на Козјак – Поречко Езеро во текот на 2026 година.
Со објавувањето на ценовникот, риболовците уште однапред можат да пресметаат која дозвола најмногу им одговара, зависно од тоа дали планираат еднократен излез, викенд риболов или почести посети во текот на годината.
Ценовник за рекреативен риболов на Козјак – Поречко Езеро за 2026 година
Документот е издаден од ЈП Јасен – Скопје, а на единствената страница јасно се наведени и правната основа за одлуката, и точните износи за сите видови дозволи.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
