АХВ со засилени контроли пред Велигден – под лупа јајца, месо и бои – Агенцијата за храна и ветеринарство спроведува засилен надзор низ целата држава
Во пресрет на претстојните велигденски празници и традиционално зголемената потрошувачка на храна, Агенција за храна и ветеринарство (АХВ) започна засилени инспекциски контроли кај операторите со храна на територија на целата држава.
Контролите се насочени кон сите сегменти од синџирот на храна – од производство и преработка, до дистрибуција и продажба – со цел да се спречи пласирање на небезбедни производи и да се сузбие нелегалната трговија.
Детални проверки на јајца, бои и месо
Инспекторите за храна и официјалните ветеринари на АХВ вршат теренски контроли при што детално се проверува дали операторите ги исполнуваат сите законски услови за безбедност на храната.
Посебен акцент е ставен на:
- јајца и нивно правилно означување
- бои за јајца и нивната безбедност
- услови за складирање и чување
- контроли при увоз на прехранбени производи
Секоја увозна пратка со бои за јајца и јајца подлежи на физички преглед на самото место на истовар, што претставува дополнителна гаранција за безбедноста на производите.
Под надзор маркети, месарници и пазари
Со засилените контроли се опфатени:
- маркети и супермаркети
- угостителски објекти
- специјализирани продавници за јајца
- производители и увозници на бои за јајца
- месарници
- зелени пазари
Со ваквиот пристап, АХВ превентивно делува за да обезбеди граѓаните да имаат сигурен пристап до квалитетна и безбедна храна за празничната трпеза.
Апел до граѓаните: купувајте само од проверени места
Купувањето од непроверени извори, особено во период на зголемена побарувачка, може да претставува ризик за здравјето.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
