АХВ врати 10 тони јагнешка Навремена реакција на ветеринарните служби спречи потенцијален здравствен ризик
Во рамки на засилените контроли на граничните премини, официјалните ветеринари на Агенцијата за храна и ветеринарство (АХВ) на граничниот премин Ќафасан навремено реагираа и одбија пратка од над 10 тони јагнешка кожа со потекло од Албанија, која требала да транзитира низ државата.
Според информациите од институцијата, пратката е вратена согласно донесените превентивни мерки за заштита од ширење на болеста Чума кај мали преживари, која во моментот е регистрирана во соседна Албанија.
Превентивни мерки за заштита на сточниот фонд
Од АХВ истакнуваат дека станува збор за навремена и професионална реакција со цел да се спречи евентуално внесување на заразата во државата.
„Пратката е вратена согласно донесените превентивни мерки за заштита од ширење на болеста. Со оваа одлука, АХВ уште еднаш покажа високо ниво на професионалност и подготвеност за навремена превенција од потенцијални здравствени ризици“, информираат од институцијата.
Болеста чума кај мали преживари претставува сериозна закана за овците и козите и може да предизвика значителни економски штети во сточарството доколку не се контролира навреме.
АХВ ја потврдува својата клучна улога
Со оваа активност, Агенцијата за храна и ветеринарство уште еднаш ја потврдува својата улога како клучен фактор во заштитата на јавното здравје, безбедноста на храната и домашното производство.
Засилените контроли на граничните премини остануваат една од главните мерки за превенција од внесување на заразни болести во земјата, особено во период кога во регионот се регистрираат активни жаришта.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
