Тел: +38975383796 Е-пошта info@zemjodelie.mk

31.8 C
Skopje
Wednesday, June 29, 2022

More
    домаАгро советиКелераба - придобивки од овој супер зеленчук

    Келераба – придобивки од овој супер зеленчук

    Келераба – Постојат многу причини за редовно користење на овој зеленчук. Разновидноста на минерали и витамини со кои е богат, му дава многу висока хранлива вредност.

    Келераба  припаѓа на семејството на зелка. Тоа е многу хранлив, вкусен зеленчук кој е поотпорен на суша од другите зелки и успева во области каде што не е возможно да се одгледува репка. Постојат две основни сорти на келераба: бела (светло зелена) и виолетова.

    Богата е со витамини, особено сировиот зеленчук кој содржи значителни количини на витамин Ц, кој лесно се губи со термичка обработка. Важни се витамините Б, фолна и пантотенска киселина, тиамин, пиридоксин и ниацин. А во листовите во поголема количина е присутен провитаминот А, односно бета-каротинот. Лековитите својства на келерабата се исклучителни. Присутни се различни минерали, железо, калиум, фосфор, магнезиум, калциум, манган и бакар. Поради содржината на калиум, делува на регулација на крвниот притисок , а позитивно влијае и на работата на нервите и мускулите. Пожелно е и за луѓе  кои страдаат од дијабетес и хипогликемија, бидејќи го регулира нивото на гликоза во нашиот крвоток.

    Целерот има ефект врз кардиоваскуларниот систем поради неговото богатство со витамин Ц, бета каротен и фолна киселина. Според некои студии, поголемата употреба на зеленчук и овошје кои се богати со овие супстанции го намалува нивото на хомоцистеин во крвта. И тоа е еден од показателите за развој на кардиоваскуларни болести. 

    Поради содржината на калциум, железо и манган, добар е за превенција од остеопороза и зајакнување на коските. Листовите, како и стеблата, исто така се јадат. Тие содржат многу важни витамини и минерали, особено каротин и фосфор. Листовите се особено богати со провитамин А, важен за одржување на здрави клетки. Од таа причина, нутриционистите советуваат овие делови да се користат во исхраната, а најдобро при подготовка на супа.

    Благодарение на каротинот и витаминот А, тој е добар за  здравјето на вашите очи. Дејствува превентивно на појавата на катаракта и макуларна дегенерација. Калориската вредност на келерабата е неверојатно ниска, а сепак ќе ве држи сити долго време.

    Келераба како дел од исхраната на бебињата

    Бидејќи е многу здрава, келерабата е често застапена во исхраната на бебињата. Тоа е многу здрава храна и може да се користи како замена за компирот. Поради богатата содржина на минерали и витамини, кои се неопходни за раст и развој на доенчињата и бебињата, келерабата може да почне да им се дава по воведувањето на цврста храна, по 6-месечна возраст.

    За повеќе корисни стории посетете ја рубриката храната како лек, како и нашите социјални мрежи Facebook и Viber.

    spot_img
    МОЖЕ БИ ЌЕ ВЕ ИНТЕРЕСИРА...Народен мелем од само две состојки
    МОЖЕ БИ ЌЕ ВЕ ИНТЕРЕСИРА...Тримесечно теле достигна цена од 70.300 евра
    spot_img
    spot_img
    spot_img