Во Македонија се создадени можности за воведување нов пристап во спроведувањето на теренските контроли, односно мониторинг на земјоделските површини.
Овој мониторинг годинава прв пат се воведува во земјите-членки на ЕУ. А кај нас ќе почне на одредена пилот територија, ќе овозможи контроли преку сателитски снимки кои ќе покажат дали на некоја парцела се одгледува земјоделска култура, без притоа физички да се посети самото место.
Станува збор за Сентинел сателитски снимки (нови сателитски снимки на секои 6 – 10 дена и нивна обработка). Ќе овозможат воспоставување прецизен систем на детекција на обработуваните површини. Дел од мониторингот на парцелите ќе биде и т.н. гео-тагирање на фотографии кое во севкупниот контролен систем ќе ги вклучи и земјоделците.
Овој вид контроли ќе овозможи целосен мониторинг на земјоделските површини, без посета на самото место, со користење т.н. Сентинел сателитски снимки преку кои се утврдува дали на површината се одгледува земјоделска култура.
Од 2012 година во земјава се вршат контроли кај избран примерок, но со посета на самото место. Се користат и далечински методи преку сателистки снимки кои се прават еднаш до двапати годишно по зони во најпогодниот вегетативен период.
За повеќе корисни стории посетете ја рубриката Агро вести, како и нашите групи на Facebook и Вибер.
Доколку нешто продавате или купувате посетете го огласникот WWW.PETEL.MK
