Ценовник за рекреативен риболов на Охридското Езеро во 2026: годишната дозвола од брег чини 4.130 денари
Ценовник за рекреативен риболов на Охридското Езеро – Рекреативните риболовци кои планираат да ловат на Охридското Езеро во 2026 година ќе треба да платат 4.130 денари за годишна дозвола од брег, додека месечната дозвола чини 2.065 денари. За оние што сакаат пократок престој, тридневната дозвола изнесува 708 денари, а дневната 354 денари. Податоците се наведени во новиот ценовник за рекреативен риболов за 2026 година.
Концесионер на рекреативната зона „Охридско Езеро“ е Питон Фишинг, а зоната го опфаќа делот од езерото што припаѓа на Македонија, од крајбрежјето од Св. Наум до с. Радожда, како и сливот на Охридското Езеро, вклучувајќи ги каналот Студенчишта, Коселска Река, Велгошка Река, реката Черава со притоките и Сатеска Река со сите нејзини притоки, освен деловите што се определени како риболовни зони, изворите кај Св. Наум и заштитените зони каде риболовот е забранет со закон.
Колку чинат дозволите
За рекреативен риболов од брег во 2026 година цените се следни:
- годишна дозвола – 4.130 денари
- месечна дозвола – 2.065 денари
- тридневна дозвола – 708 денари
- дневна дозвола – 354 денари.
За оние што сакаат комбинирана дозвола, односно риболов од всидрен пловен објект во вода и од брег, цените се повисоки:
- годишна дозвола – 5.310 денари
- месечна дозвола – 2.655 денари
- тридневна дозвола – 1.298 денари
- дневна дозвола – 708 денари.
| Вид дозвола | Од брег | Комбинирана дозвола |
|---|---|---|
| Годишна | 4.130 денари | 5.310 денари |
| Месечна | 2.065 денари | 2.655 денари |
| Тридневна | 708 денари | 1.298 денари |
| Дневна | 354 денари | 708 денари |
Без физички задолжена дозвола уплатата не важи
Во ценовникот јасно е наведено дека без физички задолжена дозвола уплатата не важи, а уловот ќе се контролира и мери согласно законските прописи. Исто така, за годишните дозволи е наведено дека се подигнуваат по претходна уплата на износот на сметка на концесионерот и со задолжително приложување валидна легитимација за рекреативен риболов за календарската година.
Каде се издаваат дозволите во Охрид
Дозволите во Охрид ќе се издаваат на две локации:
- Трофеј Охрид, ТЦ Амам на Спрат
- Аква Тера Спорт ДООЕЛ, на бул. Туристичка, наспроти Рамстор Маркет.
Ценовникот е со датум 15.01.2026 година.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
