Субвенции за земјоделците – Министерството за земјоделство, шумарство и водостопанство реализираше нова исплата на средства од Програмата за финансиска поддршка во земјоделството за 2024 година, при што исплатени се над 260 милиони денари кон повеќе од 1.600 корисници.
Средствата се наменети за поддршка на земјоделци и производители во растителното и сточарското производство, со цел да се поттикне домашното производство, преработката и развојот на аграрниот сектор.
Детална распределба на исплатените средства
Исплатите се реализирани по повеќе мерки од програмата:
Подмерка 1.7 – Градинарски култури за преработка
Исплатени се 136.450.639 денари кон 276 корисници за дополнителни директни плаќања од подмерка 1.4 за градинарски култури предадени во преработувачки капацитети.
Подмерка 1.10 – Овошје за преработувачка индустрија
Исплатени се 17.058.566 денари кон 354 корисници за овошје предадено во преработувачки капацитети.
Подмерка 1.13 – Производство на саден материјал
За производство на домашен лозов и овошен саден материјал исплатени се 40.319.770 денари кон 8 корисници.
Подмерка 1.15 – Сертифициран семенски материјал
Исплатени се 38.793.297 денари кон 16 корисници за произведен и продаден домашен сертифициран семенски материјал од прва и втора генерација за:
- житни култури
- фуражни култури
- индустриски култури
- градинарски култури
Подмерка 1.18 – Основен семенски материјал
За производство на предосновен и основен семенски материјал за житни култури исплатени се 9.774.800 денари кон 7 корисници.
Мерка 2.17 – Поддршка за пчеларството
Исплатени се 21.446.792 денари кон 1.021 корисник за регистрирано презимено пчелно семејство.
Поддршка за развој на македонското земјоделство
Со овие исплати државата продолжува со континуирана поддршка на земјоделците, поттикнувајќи:
- поголемо домашно производство
- развој на преработувачката индустрија
- производство на квалитетен семенски и саден материјал
- поддршка на пчеларството
Министерството за земјоделство, шумарство и водостопанство нагласува дека поддршката на земјоделците останува еден од главните приоритети за развој на македонското земјоделство и руралните средини.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
