📢 Нова шанса за младите семејства: До 100.000 евра поддршка за живот и работа во село!
Младите брачни парови што сакаат да започнат нов живот во родното село, сега имаат вистинска причина да го сторат тоа. Со новиот предлог-закон за земјоделство и рурален развој, државата нуди поддршка до 100.000 евра за оние кои ќе се одлучат да се вратат на село и да се занимаваат со земјоделство или рурален бизнис.
🏡 Кој може да аплицира?
Станува збор за млади брачни парови до 40 години кои ќе се преселат во село и таму ќе вложат во:
- изградба или обнова на објекти,
- набавка на земјоделска механизација,
- купување земјоделско земјиште,
- или набавка на добиток.
Поддршката покрива до 80% од направените трошоци, а максималниот износ што може да се добие е 6.000.000 денари по пар, во рок од три години.
✅ Кои се условите?
Парите се доделуваат со јасна цел – оние што ќе ги добијат мора најмалку 10 години да останат и да се занимаваат со земјоделство во селото. Доколку се прекрши ова правило, добиената помош ќе треба да се врати.
🌱 Поддршка и за рурални бизниси
Младите до 40 години кои ќе отворат сопствен бизнис поврзан со земјоделството во руралните средини, исто така ќе можат да добијат поддршка до 100.000 евра.
☔ Поголема заштита од природни непогоди
Соочени со климатските промени и се почестите штети, земјоделците ќе имаат можност да осигураат дел од производството со помош од државата. Новиот закон предвидува:
- до 70% покривање на трошоците за осигурување, со максимум до 200.000 денари по земјоделец.
🌾 Поттик за здружување и соработка
Законската рамка ќе ги поддржи и оние што ќе се здружат и започнат заеднички активности. Ако најмалку две лица започнат нова иницијатива, ќе имаат можност за финансиска поддршка која ќе ги покрие до 70% од трошоците, во период од седум години.
💳 Субвенционирани камати и банкарски гаранции
За да им се олесни пристапот до кредити:
- државата ќе субвенционира до 50% од каматната стапка за кредити до 500.000 евра, со рок до 10 години,
- ќе помогне и со кофинансирање на банкарски гаранции за кредити поврзани со земјоделско производство и преработка.
🛢️ „Зелена нафта“ и нов интервентен фонд
Се воведува и нова мерка за поддршка:
- 100% покривање на трошоците за гориво за земјоделска механизација, до износ од 100.000 денари годишно по земјоделско стопанство, со користење на картички.
Дополнително, се планира и интервентен фонд за случаи на пазарни нарушувања – како ниски откупни цени или зголемени трошоци за производство.
🔬 Поддршка за анализа на земјиштето
Земјоделците ќе имаат право на помош за хемиска и физичка анализа на почвата, со можност за покривање на до 100% од трошоците.
📅 Јавниот увид на законот трае до 28 мај, а јавната расправа е закажана за 2 јуни.
➡️ Следете нè на Земјоделие.мк за повеќе информации и корисни совети за живот и работа на село!
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
