Купувате користена машинерија? Измамите стануваат се почести, како да ги избегнете и навремено да откриете измамници?
Набавката на користена машинерија и земјоделска опрема преку Интернет е широко распространета низ целиот свет, производите никогаш подостапни. Сепак, во последно време сведоци сме на разни измами. Затоа, претпазливоста секогаш треба да биде на високо ниво.
Често може да се најдат лажни страници за реклами, како и лажни профили на продавачи кои крадат фотографии за нивните реклами да изгледаат што попривлечно. Трговијата со земјоделски возила и опрема стана профитабилна работа за банди за организиран криминал.
„ Во некои случаи, она што се продава воопшто не постои и крадците го користат идентитетот на легитимни возила за продажба преку Интернет “.
Проверете ја адресата и телефонскиот број на продавачот
Некои рекламираат машини далеку под пазарната вредност за да привлечат клиенти. Купувачите пак не ја проверуваат автентичноста па наседнуваат на измамата. Друга популарна тактика е притисок врз потенцијалните купувачи да плаќаат депозит за да резервираат предмет што воопшто не постои.
Земјоделците можат да преземат голем број чекори за да потврдат дека имаат работа со вистински и сигурен продавач на Интернет. Направете голем број проверки пред да останете без пари.
Ако цената изгледа премногу привлечна, треба да се провери пазарната вредност и да се најде оправдана причина зошто е толку ниска. Исто така, треба да бидете сигурни дека продавачот има валидна адреса и телефонски број. Најдобро е да ги посетите во нивниот дом или деловен простор.
Важно е да ги разгледате производите на дневна светлина
Бидете сомнителни за секој што нуди средба на половина пат, сервис или паркинг. Важно е да се овозможи комплетен преглед на возилото и тест возење. Најдобро е да се погледнат производите на дневна светлина. Покрај тоа, треба да се проверат важните карактеристики што можат да се идентификуваат како што се сериски броеви. Да се внимава да се осигураат дека тие не се намерно изгребани.
Препорачливо е дискретно да се евидентираат марки, модели и регистарски таблички на возила паркирани на адресата. Податоците ќе бидат корисни за полицијата доколку има проблеми со набавката.
Секогаш проверувајте ги документите , нема потреба да брзате, за да не се донесе погрешна одлука. Ако не сте сигурни, држете се настрана додека не направите дополнителни истражувања и проверки. Купувањето од доверлив продавач може да го намали ризикот од измама.
Дополнително обезбедување на аукции
Симон Вермут , кој спроведува онлајн аукции за земјоделски машини, вели дека купувањето преку аукции нуди дополнително ниво на заштита. „ На аукциската куќа, знаете дека не наддавате за нешто што не постои, бидејќи ние сме биле таму и сме го виделе тоа “.
Тие се обидуваат да дадат најдобар опис на реалната состојба, но клиентот мора да провери дали производот одговара на описот.
Друга предност е што купувачот ги плаќа парите на сметката на клиентот, што ќе му бидат доставени на добавувачот само откако ќе биде доставена избраната ставка. „ Ако некој оди на фарма и смета дека машината не одговара на описот, тогаш постои можност неговите пари да бидат вратени “, објаснува тој.
Важно е клиентите да се обидат веднаш да ја подигнат својата стока и според одредбите за продажба преку Интернет, тие имаат рок од две недели да ја подигнат својата машина и да ја известат компанијата во рок од три дена по завршувањето на продажбата доколку не се задоволни.
Законски права на потрошувачите
Правата на потрошувачите гарантираат најголема заштита при купување преку Интернет, но повеќето зделки со земјоделски машини се трансакции помеѓу компании кои нудат малку пониска правна заштита.
Ако потрошувачот купи трактор на Интернет и открие дека не е со задоволителен квалитет или не е соодветен, има рок од 30 дена да докаже грешка и да ја отфрли набавката. Исто така, по 30 дена може да побара продавачот да го замени или поправи тракторот. Доколку продавачот не ја поправи или замени стоката во разумен рок, може да побара поврат на целата сума.
На пример, ако компанија купи трактор, го земе и потоа го вози неколку недели пред да се расипе, вообичаено е во тој случај да се изгуби правото на поврат на средствата затоа што возилото било користено.
Сепак, ова не значи дека нема други начини на жалба. Имено, клиентот може да го чува тракторот и да бара отштета за нивните загуби или трошоци за поправка.
Значи, кој купува користена машинерија на аукција или преку Интернет, ги прифаќа условите за продажба и треба внимателно да ги прочита пред да донесе погрешна одлука и да биде во загуба.
За повеќе корисни стории посетете ја рубриката Механизација, како и нашите социјални мрежи Facebook и Viber.
