Прочка – ПРИЛЕПСКИ МЕЧКАРИ се дел од долгата народна традиција во Македонија.
Вакви маски може да се најдат низ целиот Балкански полуостров и пошироко.
Празникот Велики поклади или меѓу народот познат како Прочка е последниот ден пред големите велигденски пости.
Кај народот овој поим се користи да се означи последниот ден од сирната недела или денот кога се простуваме од најблиските.
Хистијанската скарма на овие обичаи е резултат на црковната пракса од времето на воспоставувањето на христијанството кога деновите од паганскиот годишен календарски циклус се врзуваат за некои христијански светци или периоди од христијанскиот календар со цел тие обичаи да се христијанизираат.
Постои убедување дека прочка е касапски празник.
Токму затоа традиционална маска заштитен знак за Прилеп е мечкарската. Мечкарите се демон на претците и се смета дека за плодноста се задолжени и живите и мртвите.
Мечкарските маски се направени од пресни кожи кои се врзуваат од рано наутро на студено место.
Тогаш кажуваме пцости и сите пиеме за да се доведеме во ритуален транс. Суратите се од црна чоја, вепарски заби, а се користат и препарирани животни.
Сите носиме стапови, ѕвонци и клопотрци.
На овој ден нема пристојно однесување. Се губат социјалните функции. Постои општа амнестија за сите учесници. Прилепчани им плаќаат на “мечкарите“ за да си го откупат сопствениот живот.
Касапите пак наредниот ден се собираат на касапски посен грав за да си ги ,,измијат,,гревовите,, што ги направиле на прочка.
Маските кои ќе можат да се забележат можат да бидат зооморфни, антропоморфни и комбинирани.
Поединечни или групни, традиционални или новосмислени, индустриски или изработени, страшни, комични или смешни.
Облеката мора да биде во врска со маската а се користат кожи, разни крзна, слама, стари искинати алишта, каиши.
Ова е ден за рекреација, одмор, забава со многу шега и хумор но и за посета на најблиските, роднините, пријателите кога од постарите ќе се побара прошка за згрешеното.
За повеќе корисни стории посетете ја страната на zemjodelie.mk, како и Земјоделските групи на Facebook и Viber.
