Тел: +38975383796 Е-пошта [email protected]

11.8 C
Skopje
Tuesday, October 4, 2022

More
    домаХраната како лекШто сè лечи магдоносот

    Што сè лечи магдоносот

    Магдоносот е една од најздравите и најлековитите билки.

    Магдоносот се користи во нaрoднaтa мeдицинa како лековита билка, а во исхраната често се користи како зачин и храна.

    Во исхраната и во народната медицина се користат и коренот и листовите од магдонос.

    Листовите од магдонос најдобро е да се конзумираат свежи (како додаток на салатите). Тие единствено во таква форма ги задржуваат своите здрави и лековити состојки.

    Магдоносот не се препорачува во големи количини за бремените жени и доилките. Но, е корисен во мали количини, како зачин.

    Еве за што сè може да ви помогне ова растение:

    Магдонос за јакнење на нервите

    Коренот и листовите на магдоносот се рендаат односно сецкаат. Се додава сок од малина и багремов мед. Се земаат 1-2 лажички од оваа смеса навечер, пред спиење.

    Магдонос против шеќерната болест

    Многу едноставен рецепт за ублажување на шеќерната болест е следниов:

    Изрендајте корен од магдонос и исецкајте свежо набрани листови од магдонос. Додадете јогурт или кисело млеко. Јадете ја оваа здрава смеса навечер, пред спиење.

    Магдонос против отечени и воспалени очи

    Во 300 грама вода се ставаат 2 лажици иситнето лисје од магдонос. Се вари 2-3 минути. Кога ќе се олади чајот, се процедува низ стерилна газа.

    Со овој чај се испираат очите повеќе пати во денот. А навечер се ставаат облоги, кои може да стојат подолго време.

    За облоги се земаат 6 гранчиња магдонос, убаво се измиваат и се ставаат на очите. Очите се врзуваат со газа и дури наутро се вади облогот, во замрачена просторија.

    Магдонос за чистење на организмот и за отстранување на вишокот на течности

    За оваа цел се користи интегрална билка. Коренот, лисјата и плодот од магдоносот се иситнуваат. Се варат 5 супени лажици од оваа смеса во пола литар вода.

    После варењето, треба да се остави смесата да одстои уште 20 минути. Потоа се процедува и се пие три пати на ден по една мала шољичка.

    Овој чај ги намалува отоците и го намалува високиот крвен притисок.

    За повеќе корисни стории посетете ја рубриката храната како лек, како и нашите социјални мрежи Facebook и Viber.

    spot_img
    spot_img
    spot_img
    spot_img