Тел: +38975383796 Е-пошта [email protected]

27.8 C
Skopje
Friday, September 30, 2022

More
    домаАгро ВестиЛов на диви свињи од први септември

    Лов на диви свињи од први септември

    Од први септември ќе почне ловот на диви свињи како една од мерките против африканската свинска чума.

    Ловната сезона на диви свињи ќе почне на сите ловишта, освен на ловиштата во општините Македонска Каменица, Виница, Кочани и Делчево.

    Со ова решение почнува итна максимална депопулација на дивите свињи според акцискиот план на Министерството и на Агенцијата за храна и ветеринарство. 

    Одобрувањето на  почеток на лов на дивите свињи е една од мерките за спречување на ширењето на болеста африканска свинска чума, која сериозно го загрозува свињарскиот сектор.  

    Согласно Законот за ловство, дивечот е во државна сопственост и како добро од општ интерес на државата, ужива посебна заштита и подлежи на законски мерки во случај на појава и ширење на заразни болести.

    Концесионерите на дивечот во ловиштата, управувачите со државните ловишта ЈУ „Национални паркови“ и ЈП „Национални шуми“ – Скопје како привремени управувачи на ловиштата без концесионер, потребно е да го прилагодат своето работење согласно ова решение.

    Концесионерите на дивеч во ловиштата се должни ловот да го организираат во присуство на ловочувар, инспектор за ловство и доктор по ветеринарна медицина. Застреланиот дивеч по завршувањето на ловот да се складира на одредено место, обележано од страна на концесионерите на дивечот во ловиштата.

    Исто така, се задолжуваат концесионерите и управувачите со државни ловишта во рок од 5 дена да определат ловни денови за засилен отстрел на диви свињи. Како и да ги преземат сите мерки пред почетокот на ловот, соопшти Министерството за земјоделство.

    За повеќе корисни стории посетете ја рубриката Агро вести, како и нашите групи на Facebook и Viber. 

    spot_img
    МОЖЕ БИ ЌЕ ВЕ ИНТЕРЕСИРА...Протест на оризопроизводителите
    МОЖЕ БИ ЌЕ ВЕ ИНТЕРЕСИРА...Сок од калинка – моќен природен атиоксиданс
    spot_img
    spot_img
    spot_img