Освен што ја спречува авитаминозата, ја лекува слузокожата на органите за варење, а топлата супа од зелка, го олеснува искашлувањето и ја смирува надразнетоста на хранопроводот.
Во народната медицина сокот од зелка се препорачува како терапија на чир во желудникот. Овој лековит напиток би требало да се консумира меѓу оброците.
Најдобар сок е оној од свежа, млада и слатка зелка. Овој сок уште одамна е познат како сок којшто спречува болести на желудникот, гастритис и чир, но има и други здравствени бенефити од него.
Зелката всушност се наоѓа на највисоката скала на намирниците коишто се добри како превентива против ракот. Се смета дека е особено делотворен ако се консумира редовно. Главно против канцер на желудникот и дебелото црево, градите и белите дробови. Сокот од зелка има и благо лаксативно дејство, корисен е за редовно празнење на цревата, односно против запек.
Овој сок ја содржи амино киселината глутамин, којашто има клучна улога во чистењето на цревата и воопшто, целиот организам. Ја зацелува оштетената слузокожа на желудникот (чир), регенерира и води кон оздравување.
Сокот од зелка содржи корисни состојки кои помагаат и за да се подобри крвната слика во случај на анемија. Го зајакнува и имунитетот кај сите оние коишто го консумираат редовно бидејќи содржи значајно количество на витамин Ц.
Начин на подготовка:
За да добиете сок, исецкајте 500 гр зелка, сомелете ја, малку посолете ја и оставете ја да отстои. Потоа исцедете ја зелката преку газа, а сокот чувајте го во фрижидер.
Сокот се пие без засладување, а по желба може да се комбинира и со друг зеленчук или овошје. Ако сакате пак да го пиете како лек за желудникот, тогаш треба да го пиете чист или во комбинација со морков. Тоа е така затоа што морковот има благотворно дејство на желудникот.
Сокот од зелка како лек за желудникот се пие по три пати на ден, и тоа по 1 децилитар сок, пред оброците.
За повеќе корисни стории посетете ја рубриката храната како лек, како и нашите социјални мрежи Facebook и Viber.
