Секој ден, повеќе од 2.000 метрички тони јаглерод тече до дното на Арктичкиот Океан. Тоа е еквивалентно на 8.500 метрички тони атмосферски CO2.
Научниците од Институтот Алфред Вегенер открија дека големи количини на CO2 се заробени на дното на Арктичкиот Океан. Со оглед на недостатокот на сончева светлина, биолошката продуктивност е ограничена. Фитопланктоните во горните слоеви на овој океан, кои го заробуваат јаглеродот, имаат помалку енергија, поради што не беше јасно како е заробено толкаво количество јаглерод.
Тоа е можно благодарение на ниските температури во зимскиот период и морската струја. Имено, јаглеродот се апсорбира во Баренцовото море. Ниските температури формираат студена и тешка вода која тоне на дното. Морската струја ја насочува таа вода по континенталната падина во длабокиот арктички слив.
Откриено е дека секој ден повеќе од 2.000 метрички тони јаглерод тече на дното на Арктичкиот Океан, што е еквивалентно на 8.500 метрички тони атмосферски CO2.
Важноста на овој процес лежи во фактот што јаглеродот заробен на овој начин, кој стигнува до длабоките води на океанот, останува таму додека струјата не се врати назад и не ја врати водата на површината. Овој процес трае неколку илјади години на Арктикот. Ако јаглеродот се депонира во длабоки морски седименти, тој може да биде заробен дури и милиони години. Само вулканската активност може да го ослободи.
Дополнително, овој процес обезбедува извор на храна за фауната на длабоките мориња како што се морски ѕвезди, сунѓери и црви.
Меѓутоа, глобалното затоплување доведува до потреба од дополнително истражување на процесот. Од една страна, повеќе сончева топлина и светлина ќе им овозможат на фитопланктонот во Арктичкиот Океан повеќе хранливи материи, што ги прави поспособни за задржување на јаглеродот. Од друга страна, порастот на температурата ќе формира помалку мраз. Ова ќе ја намали количината на студена и тешка вода што тоне на дното на океанот и го задржува јаглеродот.
Целиот процес функционира на тој начин што додека фитопланктоните, односно микроалгите се на површината на водата, тие го фаќаат јаглеродот, а кога ќе почнат да стареат, тонат на дното, земајќи го заробениот јаглерод со себе.
За повеќе корисни стории посетете ја рубриката Агро вести, како и нашите групи на Facebook и Вибер.
Доколку нешто продавате или купувате посетете го огласникот WWW.PETEL.MK
