Поради екстремните временски услови, Европската индустрија за компири е во криза.
Минатата година беше втора најтопла досега во Европа. Екстремната суша доведе до драматичен пад на вкупното производство на оваа култура.
Проценките покажуваат дека бербата во Северна Европа, Обединетото Кралство и Ирска била околу два милиони тони помалку од вообичаеното. Тоа е околу една третина од вкупното производство на компири во Обединетото Кралство и Ирска. А дистрибутерите и преработувачите сега се обидуваат да ги снабдуваат клиентите од залихите кои брзо се намалуваат. Резултатот е драматично зголемување на цените, особено во преработувачкиот сектор.
Минатата година производството се карактеризираше со високи влезни трошоци, особено складирањето поради поскапувањето на енергенсите. Залихите никогаш не биле пониски. Лошите временски услови продолжија и во 2023 година.
Садењето беше одложено поради неодамнешните поплави во Италија и поголемиот дел од Јужна Европа. Сеидбата во Ирска доцнеше поради студеното време.
Се очекува значителен пад на приносите.
Прогнозите не се ветувачки, а велат дека ќе има недостиг од овој зеленчук во Европа.
Цената на компирот е значително зголемена во последните неколку месеци и продолжува да се зголемува, особено за специјализираните сорти за преработка и сечење. Побарувачката за компири и производи повторно расте, но индустријата нема да може да ја задоволи побарувачката во следните 12 месеци поради екстремните услови во Европа во последните две сезони.
За повеќе корисни стории посетете ја рубриката Агро Вести, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
