Тел: +38975383796 Е-пошта [email protected]

6.8 C
Skopje
Thursday, December 1, 2022

More
    домаАгро ВестиНамален приносот на пченка во светот за 10 милиони тони, додека...

    Намален приносот на пченка во светот за 10 милиони тони, додека Кина го удвојува увозот

    Како главна причина се наведува пониското производство во САД, Европската унија и Украина. За разлика од нив, се удвојува проекцијата за кинески увоз.

    Сушата како најголем проблем

    Пченката, поточно САД како најголем светски производител, е оштетена најмногу од сушата оваа година. Тековната прогноза покажува дека приносот се намалил за 5,4 милиони (во споредба со претходната година) и изнесува 368,5 милиони тони. Што се однесува до ЕУ, според последните податоци, производството е намалено од првичните 62,6 на 60,1 милиони тони, најмногу заради намалените приноси во Романија, од 10,4 на 7,1 милиони тони. Големи проблеми со сувото време имаа и украинските производители, кои годинава произведоа 30 милиони тони, што е за 3 милиони помалку од претходната година.

    Зголемена е прогнозата за кинески увоз на оваа култура на 16 милиони тони, што е двојно повеќе од претходната проекција. Да потсетиме, поради недостиг на пченка во земјата, трговците се принудени да увезуваат од странство за да ги снабдуваат домашните производители на сточна храна и земјоделците. Во првите девет месеци од годинава, увозот на јачмен, пченка, и пченица во земјата скокна 83,3%, на 20,86 милиони тони, според царинската управа, и се очекува рекорден откуп на земјоделски култури. По мај, увозот се интензивираше бидејќи некогаш огромните залихи беа исцрпени за краток временски период, а неповолните временски услови ја оштетија овогодишната пченка. Купувачите резервираа околу 17 милиони тони од тоа жито за 2021 година, и се подготвени да купат повеќе, со што Кина ќе се најде заедно со Јапонија како втор најголем увозник на оваа култура во светот.

    spot_img
    spot_img
    spot_img
    spot_img
    spot_img