Тел: +38975383796 Е-пошта info@zemjodelie.mk

2.8 C
Skopje
вторник, декември 7, 2021

More
    домаАгро советиЛедено вино, вино од најдоцната берба

    Ледено вино, вино од најдоцната берба

    Леденото вино е многу специфичен и скап пијалок кој сè уште е исклучително редок, иако луѓето знаат за тоа уште од римско време.

    Технологијата за производство на ледено вино не е променета значително уште од антички Рим. Специфичноста на ова вино лежи во фактот дека е направено од грозје од доцната берба – декември, т.е. ноември во постудените региони. Додека не дојде време за оваа берба, грозјето е полно со шеќер, а за производство на ова вино, климатските услови се клучот за квалитетот.

    Бербата се одвива кога температурите паѓаат под нулата. Производителите од различни делови на Европа (Германија, Австрија), па дури и од светот (Канада), имаат различни правила. Едно од овие правила вели дека бербата се прави кога температурата не надминува -7 степени Целзиусови 7 последователни дена. Правилото што производителите го следат насекаде е – колку е пониска температурата, толку е поголема концентрацијата на шеќер.

    Грозјето се бере исклучиво рачно и во темница. Бербата мора да заврши пред утринското сонце. Веднаш по бербата на овошјето, се започнува со преработка. Во такви услови, водата во грозјето, која е замрзната, останува во значителна количина по цедењето. Од количеството собрано грозје, се добиваат само 15% во споредба со количината што ќе се добиеше ако грозјето се береше пред мразовите. Ледното вино содржи и помал процент на алкохол – околу 8%.

    Исклучително е важно во грозјето, покрај голема концентрација на шеќер, да има и висока концентрација на киселини. Во спротивно виното нема да биде квалитетно. И црвено и бело грозје може да се користат за производство на ледено вино. Од белото грозје, кое почесто се користи за правење ледено вино, се препорачува Ризлинг, што е логично ако земеме предвид дека станува збор за сорта со висока содржина на киселина, погодно за одлежување.

    Покрај Ризлинг, како бели сорти може да се користат и Траминец и Шардоне. Од црните сорти, најпопуларни се Мерло и Пино ноар, но може да се користат и Каберне Совињон и Каберне Франк.

    Ова вино може да се прави само за време на исклучителни години, со паузи од најмалку 3 години помеѓу две берби.

    Ледените вина се екстремно скапи, невозможно е да се најде ледено вино под 25 евра за шише од 375 милилитри, а со стареењето цената само расте. Постојат добри причини зошто ваквите вина имаат висока цена. Оставајќи грозје на лозите, винарите ризикуваат многу затоа што е потребно малку за да пропадне целата реколта. Со самото тоа што се бере рачно, ноќе и во зима исто така ја зголемува цената. Исклучително нискиот принос и неможноста да се произведува ваков вид вино секоја година само придонесуваат за високата цена.

    spot_img
    spot_img
    spot_img

    ДАЛИ МОЖЕ ДА СЕ ЖИВЕЕ ОД ЗЕМЈОДЕЛИЕ?

    View Results

    Loading ... Loading ...

    Земјоделци проверете ги сметките

    Земјоделци проверете си ги сметките !!! Денеска владата ги исплати сите заостанати субвенции на Земјоделците.Исплатени се и сите субвенции што треба да се...