Тел: +38975383796 Е-пошта info@zemjodelie.mk

28.8 C
Skopje
Friday, July 1, 2022

More
    домаАгро ВестиШто може да го поттикне растот на цените на житото?

    Што може да го поттикне растот на цените на житото?

    Цените на житото го достигнуваат својот максимум. Резултатот е кризи и ограничувања во најголемите извозни земји како Русија, Бразил, Аргентина и Украина.

    Во важни извозни земји како Русија, Украина, Бразил и Аргентина, има зголемување на цените на житото за човечка потрошувачка и добиточна храна. Ова доведува до ограничувања на извозот и повисоки тарифи. Како резултат на тоа, цената на светскиот пазар растеше . Дали овој тренд ќе продолжи, зависи првенствено од ситуацијата и претстојната жетва во Јужна Америка.

    Слаба жетва се очекува во Аргентина и Бразил. Но, следната на северната хемисфера веројатно ќе помогне во подобрувањето на глобалното снабдување. На пример, пченицата, јачменот и маслодајната репка изгледаат добро во Австралија засега. Но, силната  побарувачка од Кина поради брзото зголемување на популацијата на свињи ја „апсорбира“ моментално достапната понуда.

    На европскиот пазар, цените на пченицата се искачија на нешто помалку од 216 евра за тон. Тоа е најмногу по сувата 2018 година. Европските цени на пченката се зголемија на 220 евра за тон. Тие не само што се на повеќегодишно високо ниво, туку се и повисоки од цените на пченицата.

    Аргентина запира извоз на пченка

    Причината за сегашниот пораст на цените на пченката е прекин на извозот на таа култура од Аргентина до 28 февруари. Овој потег е исто така знак на влошување на глобалните проблеми со снабдувањето со храна за време на пандемијата. „ Оваа одлука се заснова на потребата да се обезбеди домашно снабдување со житни култури. Тие се потребни како суровини за производство на добиточна храна “, се вели во соопштението на аргентинската влада. 

    Продолжува да ја контролира инфлацијата на цената на храната за да им помогне на семејствата со ниски примања. И покрај забраната за извоз, увозниците сè уште можат да купуваат пченка од Аргентина, но само за датумот на испорака по 1 март.

    цените на житото

    Ел Нињо и се заканува на жетвата во Аргентина и Бразил

    Досега  се одобрени 34,2 милиони тони пченка од сезоната 2019/20 за извоз, од вкупно 38,5 милиони тони на располагање. Целта на ограничувањата за извоз е да се задржат останатите 4,3 милиони тони на располагање за домашна потрошувачка за да се обезбедат залихи пред новата реколта.

    Аргентина е исто така голем извозник на соја и пченица и најголем извозник на соино брашно. Површината на соја во таа земја за следната берба најверојатно ќе биде помала од планираните 17,2 милиони хектари поради невообичаено суво време.

    Исто така, оваа година, производството на пченка, соја и пченица во Аргентина и Бразил, беше под влијание на климатскиот феномен. Полињата кои сè уште не биле посеани со соја или пченка, повеќе нема да можат заради недостаток на влага.

    Според предвидувањата, аргентинските земјоделци оваа година може да соберат околу 16,8 милиони тони пченица.

    Цените на житото за извоз во Русија нагло растат

    Се претпоставува дека рускиот извоз ќе биде помал поради извозната квота и дека глобалните резерви ќе продолжат да се влошуваат како резултат на ова. Да потсетиме , оваа земја, како најголем извозник на пченица во светот, ќе воведе квота за својот извоз, како и за ‘рж, јачмен и пченка и ќе ја ограничи на 17,5 милиони тони за периодот од 15 февруари до 30 јуни, како што ќе воведе и данок од 25 евра по тон. 

    Се очекува извоз на пченица во вредност од околу 36,3 милиони тони, во споредба со претходните од 40,8 милиони тони поради извозната квота воведена за контрола на домашните цени на храната. Некои земјоделци во земјата може да ја одложат нејзината продажба до јули, велат аналитичарите.

    Руските цени на извозот на пченица неодамна продолжија да растат поради претстојниот данок за извоз. Но, трговијата е слаба за време на долгите новогодишни празници. Оној со содржина на протеини од 12,5% беше на продажба во пристаништата во Црно Море по цена од 262 американски долари за тон минатата недела, што е за пет долари повеќе од минатата недела.

    Аналитичарите исто така известуваат дека оваа култура ќе се понуди за дури 270 УСД по тон по средината на февруари, кога ќе се воведе данок за извоз. Покрај тоа, цените на извозот на јачмен неодамна се зголемија за еден долар на 220 по тон.

    За повеќе корисни стории посетете ја рубриката Агро вести, како и нашите групи на Facebook и Viber.

    spot_img
    МОЖЕ БИ ЌЕ ВЕ ИНТЕРЕСИРА...Печурка Реиши – чудотворен лек
    МОЖЕ БИ ЌЕ ВЕ ИНТЕРЕСИРА...Хранење свињи на отворено
    spot_img
    spot_img
    spot_img