Село Наколец секоја чест на жителите од ова Село.
Македонци и Албанци собраа 80.000 долари да си изградат – стадион во Преспа!
Малкумина во државата чуле за селото Наколец, место со едвај 260 жители во општина Ресен, кое се наоѓа на само пет километри од македонско-грчката граница, но тоа наскоро ќе се смени, откако спортските вљубеници од него се пред самата целна линија за да си го исполнат сонот – да изградат стадион и рекреативен центар за тие што сè уште живеат во него.
Причина што приказната за Наколец е единствена и неповторлива е што спортскиот објект нема да им го изгради локалната ниту централната власт, туку тие самите со собирање пари преку платформата GOFUNDME.
![](https://zemjodelie.mk/wp-content/uploads/2021/07/Село-Наколец-стадион-1.jpg)
Љубовта, пред сè кон фудбалот, придонесе да се занемари нацијата и верата, да се застане сложно кон целиот прокт, за кој сложно работат Македонци, Албанци, Турци, Роми и останати националности кои може да се најдат во овој преспански крај. Пари уплатуваа и непознати страци од „белиот свет“, кои го препознаа големото срце на наколичани и нивната огромна љубов кон спортот, но и кон своето село.
![Село Наколец секоја чест 1](https://zemjodelie.mk/wp-content/uploads/2021/07/Село-Наколец-стадион-2.jpg)
Тие досега имаат собрано нешто повеќе од 80.000 долари, што е многу блиску до зацртаната цел од 100.000 долари, колку што сметаат дека ќе им биде потребно да го остварат својот сон. Идејниот проект е веќе направен и тој изгледа прекрасно, бидејќи покрај модерниот фудбалски стадион ќе има и игралишта за кошарка, одбојка, но и рекреативен центар со маси за пинг-понг, билијард, како и детско игралиште.
За повеќе корисни стории посетете ја страната на zemjodelie.mk, како и Земјоделските групи на Facebook и Viber.