Опасност од измрзнување при секое доаѓање на пролетта.
Ова е еден од најнеизвесните периоди за земјоделците особено за овоштарите.
Следува период на нагло зголемување на температурата на воздухот со што се очекува забрзано цветање на овошките во Македонија.
Убавото време, додаваат, ќе овозможи и работа на отворено во овоштарниците и лозовите насади околу меѓуредовата обработката и заштитата, активности во тутунопризводството за припрема на леи за расад, како и активности во градинарството кои се вообичаени за овој период од годината.
Разладувањето на атмосферата со ниските минимални утрински температури кои минатата недела паднаа и до -12 степени, со право ги вознемирија земјоделците, особено овоштарите поради евентуалните штети од измрзнувања кои не се исклучени, особено во регионите каде веќе беше почната вегетацијата.
Опасност од измрзнување поради очекуваното повторно заладување во текот на викендот со пад на температурите и негативни вредности до -4 степени не ја исклучува можноста од измрзнување ако се земат предвид понапредните фази на развој кај овошките во овој период и нивната намалена издржливост во тие фенофази, истакнуваат од УХМР.
За повеќе корисни стории посетете ја страната на zemjodelie.mk, како и Земјоделските групи на Facebook и Viber.
