Тел: +38975383796 Е-пошта [email protected]

17.8 C
Skopje
Saturday, October 1, 2022

More
    домаАгро советиНаводнување на јагодите

    Наводнување на јагодите

    Наводнување на јагодите треба да биде основа на современото производство на јагоди. Оваа култура има голема потреба од вода поради плиткиот коренов систем.

    Наводнување на јагодите

    Во нашите климатски услови потребно е да се наводнува во текот на вегетацијата најмалку 2-3 пати. Само во исклучителни случаеви повеќе пати. Најдобро е кога наводнувањето е усогласено со фенофазите на развојот на јагодите. Во време на екстремна суша, јагодите мора да се полеваат пред созревањето и за време на бербата на плодовите. Потоа пред цветањето и по бербата на плодовите или по потреба.

    При обилно наводнување потребни се 400.000-600.000 литри вода на ха, а 300.000-400.000 l/ha за секое наводнување. Наводнувањето обично се комбинира со примена на минерални ѓубрива во почвата.

    Наводнувањето може да се врши со бразди (ширина 10-15 см), потоа натопување со „капка по капка“ и вештачки дожд.

    Видови наводнување на јагоди

    Наводнување со бразди се применува на малку наклонети терени, вештачки дожд кога теренот е помалку рамен и методот на „капка по капка“ на кој било терен. Наводнувањето со „капка по капка“ се состои од поставување на гумени или пластични црева (со дијаметар од околу 1,5-2 cm) помеѓу редовите со јагоди. Се дупчат на секои 1-1,5 m од должината на цревото и се вградуваше многу едноставен уред за намалување на притисокот на водата, така што водата од едната страна на уредот излегува во вид на капка, која е во директен контакт со почвата за наводнување.

    Најмалку 5-10 редови јагоди може да се наводнуваат со едно црево 12-48 часа, во зависност од капацитетот на уредот. Овој систем за наводнување ја користи водата на најрационален и најекономичен начин и нема опасност од истекување и ерозија на почвата.

    За повеќе корисни стории посетете ја рубриката Агро совети, како и нашите социјални мрежи Facebook и Viber.

    spot_img
    spot_img
    spot_img
    spot_img