Тел: +38975383796 Е-пошта [email protected]

12.8 C
Skopje
Tuesday, October 4, 2022

More
    домаАгро ЗабаваСладолед од роза

    Сладолед од роза

    Розата се смета за најубав цвет, а често ја нарекуваат и „кралица на цвеќињата“. И, додека козметичките препарати базирани на ова растение се многу популарни, во гастрономијата се познати само слатко и сокот од роза. А дали знаевте дека од ливчињата на ова растение може да се направи сладолед од роза?

    Подготовката на овој десерт трае околу 40 минути, плус времето потребно за розите да отстојат потопени и смесата да замрзне.

    Состојки:

    Ливчиња од мајски рози (многу мирисни) 300 гр, шеќер во прав 300 гр, свежа слатка павлака 200 гр, еден портокал, едно стапче ванила (во случај на недостаток се заменува една кесичка ванилин шеќер), малку бадемово масло или масло од ленено семе.

    Подготовка:

    Исчистете ги ливчињата од роза. Отстранете ги инсектите и оштетените ливчиња, а потоа исечете ги безбојните врвови на дното на ливчињата. Измерете 200 гр ливчиња и одвојте ги од другите. Ставете на оган со 200 гр шеќер, стапче ванила (ако користите ванилин шеќер не ставајте сега) и 400 гр вода. Оставете да зоврие додека не се стопи целиот шеќер. Селектираните ливчиња ставете ги во сад (по можност земјен). Прелијте ги со зовриениот сируп, покријте ги и оставете ги на ладно место – додека смесата не се излади. Дури потоа измешајте ги сокот од портокал (кој сте го процедиле) и ванилиниот шеќер (ако не сте користеле стапче од ванила) и чувајте го во фрижидер додека не го замрзнете.

    Пред да ја ставите смесата во машината за сладолед, можете да ја процедите или да ја користите како што е. Додека сте во фрижидер, во сад ставете го преостанатиот шеќер, направете карамела, додадете ги преостанатите ливчиња, сè убаво измешајте, па добиената смеса истурете ја на мермерна маса (или широка чинија) која претходно сте ја подмачкале со масло и оставете да се излади. Дури потоа одвојте го од масата и исечкајте го.

    Изматете ја слатката павлака и додајте ја во смесата која е во фрижидер, па сè ставете во машината за сладолед и замрзнете.

    Послужување

    При послужување наредете го сладоледот во чаши и посипете го со малку шеќер.

    Доколку сакате да оставите поетски впечаток, поминете ги најубавите ливчиња низ карамела. Потоа ставете ги на мермерна плоча подмачкана со масло и оставете да се изладат. Користете ги за украсување чаши.

    А, доколку сакате сладолед со поинтензивна боја, во смесата додајте неколку капки розова кондиторска боја. Ливчињата од роза (оние за смесата) можете да ги замените со слатки од рози. Во тој случај мора да го додадете и процедениот сок од 2 лимони и онолку вода колку што е доволно за да добиете 1/2 од една смеса.

    За повеќе корисни стории посетете ја рубриката агро забава како и Земјоделските групи на Facebook и Viber.

    spot_img
    spot_img
    spot_img
    spot_img