Тел: +38975383796 Е-пошта [email protected]

9 C
Skopje
Wednesday, October 5, 2022

More
    домаАгро ЗабаваПигмејска коза: Коза за изложба или домашно милениче?

    Пигмејска коза: Коза за изложба или домашно милениче?

    Пигмејска коза – смирен темперамент и карактер, пријателски настроена, сака да се гушка, да игра на отворено и да скока.

    Пигмејска коза, првично наречена камерунска џуџеста коза, потекнува од Африка. Тие првпат биле донесени во Европа од Британците за време на колонизацијата, а станале жители на зоолошките градини низ цела Европа, каде што биле изложени како егзотични животни. Во средината на минатиот век биле извезени во САД и за потребите на зоолошките градини, но и за истражувачки цели.

    Како изгледа оваа егзотична коза? 

    Спаѓа во видотид мали кози, има кратки нозе и изразен стомак. Може да достигне од 23 kg до 34 kg, а козите до 27 kg до 39 kg, висина од 41 cm до 58 cm. Поради нивната големина, тие станаа популарни како домашни миленици и животни за изложби. Нејзиното влакно може да биде во различни бои, освен бела.

    И покрај малиот раст, во однос на нејзината големина, може да даде голема количина млеко, а месото е вкусно. Лесно се хранат бидејќи се преживари, се хранат со трева, тревни и дрвенести растенија. Секогаш мора да имаат свежа вода, бидејќи во спротивно нема да ја пијат. Не се препорачуваат за луѓе кои се занимаваат со овоштарство или одгледување на некои други видови растенија, бидејќи овие мали кози можат да направат голема штета доколку не се под надзор. Тие се прилагодливи на секоја клима.

    Треба да им се обезбеду куќа, доволно голема, со вентилација и под со доволно слама. Во зима поретко се врши чистење, така што сламата служи како изолатор. Ако зимата е поладна, може да се стави помал волнен килим.

    Пигмејска коза – нежна и разиграна

    Смирен темперамент и карактер, пигмејските кози се пријателски расположени, идеални за деца, бидејќи сакаат да се гушкаат, да играат на отворено и да скокаат. Ним им треба друштво на друго животно, било да е тоа од еден или друг вид. Добро се сложуваат со други домашни миленици. Пигмејската коза е многу лојална ако ја третирате внимателно. Можете дури и да ја научите на неколку трикови, за што е потребно малку повеќе време и трпение.

    Уште неколку детали

    Очекуваниот животен век е во просек од 8 до 18 години, а бременоста во просек трае до 150 дена. Достигнуваат зрелост за размножување од 12 до 18 месеци. Таа раѓа едно до четири јариња, на секои 9 до 12 месеци. Козите релативно брзо почнуваат со цврста храна, по само една недела, но продолжуваат да цицаат до дванаесеттата недела од животот.

    Во Обединетото Кралство, постои клуб The Pigmy Goat кој постави стандарди во големина и тип за оваа раса. Стандардната пропишана максимална големина до гребенот за јарци е 56 cm, малку пониска за козите.

    Дали вашата пигмејска коза ќе биде ѕвезда на шоуто или вие самите ќе си играте со неа, изборот е ваш.

    За повеќе корисни стории посетете ја рубриката агро забава како и Земјоделските групи на Facebook и Viber.

    spot_img
    МОЖЕ БИ ЌЕ ВЕ ИНТЕРЕСИРА...Мулчери
    МОЖЕ БИ ЌЕ ВЕ ИНТЕРЕСИРА...Невен – одличен за кожата и за внатрешна употреба
    spot_img
    spot_img
    spot_img