Тел: +38975383796 Е-пошта info@zemjodelie.mk

28.8 C
Skopje
Friday, July 1, 2022

More
    домаАгро ВестиУкраина предлага формирање на нова организација на извозници на жито

    Украина предлага формирање на нова организација на извозници на жито

    Ваква организација на извозници би била еден вид ОПЕК, но не за нафта туку за жито. Ќе учествуваат САД, Канада, Бразил, Аргентина и Европската Унија. Што би значело тоа во пракса?

    Украина ја оживува руската идеја за создавање Организација на земји извознички на жито со западни партнери, пишува  Јарослав Бухта за Еуроактив. Навестувајќи дека игрите околу овие вредни добра од кои зависи глобалната безбедност на храната продолжуваат. Имено, украинската влада неодамна предложи формирање на вакво тело кое ќе ги собере најважните светски извозници на жито. Ова се со цел да ги координира напорите, да ги надмине можните бариери за извозот и да ги заштити економските интереси на членките. Ќе учествуваат САД, Канада, Бразил, Аргентина и Европската Унија.

    Сепак, експертите предупредуваат на потенцијални негативни последици, поради што е потребно дополнително разјаснување на неговото функционирање.

    Што би донела таква организација?

    Токму Русија на почетокот на 2000-тите се обиде да создаде такво партнерство со Украина и Казахстан. Слично на Организацијата на земјите извознички на нафта (ОПЕК).

    Маркијан Дмитрасевич, заменик-министер за земјоделство на Украина, наведува дека таквата идеја е реакција на сегашното нарушување на извозот  од Украина. Тој вели дека економската суштина на нивната иницијатива е противтежа на уцената, кога станува збор за житариците и храната со кои во моментов се занимава Русија. 

    Фокусот е на постигнување договор за извозни квоти на жито. Имено, околу 400 милиони луѓе добиле помалку украинско жито. Значителен дел е во земјите каде луѓето трошат повеќе од 40 отсто од својот годишен приход на храна.

    Земјите увозници имаат залихи, но прашање е колку долго ќе траат. Црноморските пристаништа се блокирани, транспортот е оневозможен, што може да доведе до голема криза. Пред конфликтот, 90 отсто од извозот на Украина одеше преку поморските пристаништа. Тоа и овозможи да извезува пет милиони тони или повеќе од тие стоки месечно.

    Негативни последици

    Поддржувачите на организацијата велат дека тоа би можело да ги спречи извозните забрани од некои земји, особено Индија. Од друга страна, експертите го креваат својот глас и предупредуваат дека квотите може дополнително да ги зголемат цените на светскиот пазар, што најмногу би ги погодило сиромашните земји увозници, особено во Африка и Блискиот Исток.

    Не се јасни ниту границите на таквата организација, еден вид ОПЕК за житарици и Светската трговска организација, коментира Бухта. Зашто, невозможно е да се биде член на група која поставува квоти и во исто време организација чија работа се базира на слободниот пазар.

    Олег Нивиевски, професор и потпретседател за економско образование на Економското училиште во Киев, исто така е скептичен во врска со иницијативата. Тој објасни дека извозните ограничувања може да доведат до зголемување на пазарните вредности и да ја загрозат безбедноста на храната, додека земјоделците страдаат од пониските домашни цени.

    За повеќе корисни стории посетете ја рубриката Агро вести, како и нашите групи на Facebook и Viber. 

    spot_img
    МОЖЕ БИ ЌЕ ВЕ ИНТЕРЕСИРА...Одгледување ориз на суво
    МОЖЕ БИ ЌЕ ВЕ ИНТЕРЕСИРА...Како да искористите семки од маслинки?
    spot_img
    spot_img
    spot_img