Тел: +38975383796 Е-пошта [email protected]

12.8 C
Skopje
Tuesday, October 4, 2022

More
    домаАгро ЗабаваПак чои - салата која можете да ја засадите во градината

    Пак чои – салата која можете да ја засадите во градината

    Пак чои е растение кое припаѓа на лиснат зеленчук и може да биде широко до половина метар. Има благ вкус, не е побарувачко растение и може да се одгледува преку целата година.

    Пак чои или кинеска салата припаѓа на лиснат зеленчук. Може да се одгледува како расад или основна култура. Тоа е прилично робусно растение и поголемо од салата. Може да биде широко до половина метар. Исклучително е отпорно и не го напаѓа речиси ништо од инсекти.

    Можете да го одгледувате во текот на целата година. Се карактеризира со силни, бели стебленца и широки, цврсти темнозелени листови. Тоа е одличен извор на витамини Ц и А, манган, како и цинк.

    Начин на одгледување

    Семињата се со големина на семето од спанаќ. Ако сакате да го јадете во зима, се сее во август, а се расадува во средината на септември, кога се сеат или пресадуваат повеќето лиснати салати.

    Доколку не сакате да го посеете директно во земја, туку да направите садници, потребно е да земете помали саксии или вреќички за садници и да посеете 4-5 семиња по саксија. По садењето задолжително наводнувајте ги.

    Кога првите две листови ќе се развијат и ќе достигнат големина од 4-5 см, време е да ги ставите на постојано место.

    Бидејќи тие можат да бидат широки и до половина метар, важно е и растојанието помеѓу растенијата. Пак чои бара добра хумусна почва и многу наводнување. Во текот на зимата, можете да додадете азотно ѓубриво за да му помогнете да расте правилно.

    Не е растение кое бара многу, и можете да го одгледувате на отворено, во кој било дел од градината, како и во затворени простории.

    Како младо растение, можете да го јадете во салата сирово. Можете и да го зготвите, а со бибер и сусам ќе направите одличен прилог.

    За повеќе корисни стории посетете ја рубриката агро забава како и Земјоделските групи на Facebook и Viber.

    spot_img
    spot_img
    spot_img
    spot_img