Ова лето, ширум ЕУ, шумските пожари изгореа површина двојно поголема од Луксембург или 600.000 хектари шуми. Иако регионот е само на половина пат од сезоната на пожари, тоа е втора по големина изгорена површина од почетокот на евиденцијата.
Десетина европски земји годинава имаа големи пожари кои резултираа со евакуација на луѓе, уништени домови и деловни објекти.
Некои земји, вклучувајќи ги Италија, Шпанија и Франција, продолжуваат да се соочуваат со сериозни ризици од пожари.
Податоците покажуваат дека годинава во земјите на ЕУ изгореле 600.731 хектари. Тоа е втора по големина област од 2006 година, кога започна собирањето податоци.
Во 2017 година низ ЕУ изгореа рекордни 987.844 хектари
Се наведува дека во 2022 година изгорела површина два пати поголема од Луксембург. Се посочува дека ниту една година претходно во Европа таква површина не изгорела до август.
Сезоната на пожари во медитеранскиот регион обично трае од јуни до септември.
Климатските промени придонесоа за избувнување на пожари. Се потоплото и суво време придонесува пожарите да се шират побрзо, да горат подолго и поинтензивно.
Потоплото време ја зема влагата од вегетацијата и ја претвора во суво гориво. Во многу региони нема доволно луѓе да ја исчистат таа вегетација.
Професорот Виктор Реско де Диос од шпанскиот универзитет во Леида рече дека големите пожари во Франција и Португалија на почетокот на јули се „исклучително невообичаени“. Тие покажуваат како климатските промени предизвикуваат сезоната на пожари да започнува порано и да трае подолго.
– Денешните пожари во Медитеранот веќе не можат да се изгаснат… Големите пожари стануваат се поголеми и поголеми – рече тој.
ЈРЦ регистрира податоци за пожари кои зафаќаат повеќе од 30 хектари. Ако се вклучат и помали, вкупната опожарена површина е поголема.
Јужноевропските земји како Португалија и Грција бележат пожари во поголемиот дел од летото, но високите температури предизвикуваат огромно зголемување на ризикот од пожари на северот, а Германија, Словенија и Чешка се меѓу погодените од пожарите оваа година.
Исто така, се наведува дека некои активности можат да помогнат да се ограничат големите пожари, како што се започнување контролирани пожари со низок интензитет.
Сепак, научниците се согласуваат дека без напредок во намалувањето на емисиите на стакленички гасови, кои предизвикуваат климатски промени, топлотните бранови, шумските пожари и другите климатски влијанија значително ќе се влошат.
За повеќе корисни стории посетете ја рубриката Агро вести, како и нашите групи на Facebook и Viber.
