Пченка – нуди цело зрно богато со витамини, богата е со јаглехидрати и во многу национални кујни се консумира наместо леб.
Пченка може да чувате во замрзнувач без никакви проблеми и без тоа да влијае на нејзините кулинарски својства.
Постојат различни начини за чување на пченката во замрзнувач. Можете да ја замрзнете свежа и варена.
Начинот на замрзнување е речиси идентичен. Сварена пченката се остава целосно да се излади, по што се става во најлонски кеси, се истиснува вишокот воздух и се става во замрзнувач.
Свежата пченка може да се чува со или без листови, во зависност од проценката на домаќинот.
Кулинарската обработка на замрзната пченка не се разликува од обработката на свежата. Претходно зготвена, пченката само се загрева неколку минути во микробранова печка и е подготвена за употреба.
Доколку имате замрзната свежа пченка, откако ќе ја извадите од замрзнувачот веднаш ставете ја во тенџере, покријте ја со вода и варете ја додека не се подготви.
Во случај да немате доволно простор во замрзнувачот за да ја чувате пченката на кочан, можете да ја чувате во зрна.
Пченката можете да ја чувате во замрзнувач околу 12 месеци.
За повеќе корисни стории посетете ја рубриката агро забава како и Земјоделските групи на Facebook и Viber.
