Тел: +38975383796 Е-пошта [email protected]

21.8 C
Skopje
Friday, September 30, 2022

More
    домаАгро ВестиХоландското оранжериско производство пропаѓа - која е причината?

    Холандското оранжериско производство пропаѓа – која е причината?

    Токму оранжериско производство и овозможи на Холандија да стане вториот најголем извозник на земјоделски производи во светот, базирано на евтин гас.

    Недостигот на гас го погоди холандското оранжериско производство. Потрошувачката на овој енергетски производ е намалена за четвртина, а последиците ги чувствува 40 отсто од овој сектор, пренесува Ројтерс. Најпогодени се одгледувачите на цвеќе, како и на вонсезонско овошје и зеленчук. Постои оправдан страв дека производството ќе се пресели во земји со потопла клима, како што се: Шпанија, Мароко и Кенија.

    Токму оранжериско производство и овозможи на Холандија да стане втор најголем извозник на земјоделски производи во светот. Индустријата, вредна 8 милијарди евра, стана лидер на база на евтин гас. Сега се соочува со криза која ќе ја забрза транзицијата кон други извори на енергија и може да доведе до колапс на многу производители.

    Во 2021 година Холанѓаните извезле зеленчук во вредност од 7,2 милијарди евра, а овошје 7 милијарди евра. Четвртина од земјоделските и прехранбените производи се пласирани на германскиот пазар, 26,3 милијарди евра. Потоа следат Белгија, Франција и Обединетото Кралство. Од извозот на оваа стока лани биле остварени приходи во вредност од 46,1 милијарди евра.

    Земјоделците го намалуваат производството

    Цените на европскиот гас се зголемија за 20 пати, што го направи производството енормно поскапо. Конфликтот во Украина, санкциите против Русија и руските ограничувања за снабдување со енергија ја променија ситуацијата на пазарот. Пример што го наведуваат е фармерот  Питер Вијнен кој сакал да се фокусира на одгледување зеленчук, но сега неговиот живот се вртел околу цените на бензинот и струјата, наместо црвените и жолтите пиперки или краставици. На површина од 32 хектари годинава одгледал 11 милиони килограми пиперки, а најголемата количина оди во германските супермаркети.

    „За оранжериите, греењето е неопходно во зима. Поради зголемените цени, мораме да ги промениме нашите планови “, рече Вијнен. Тој е принуден да ја намали површината што ќе ја грее, да ја смени сортата на краставицата, но и да ја продаде вишокот струја што ја произведува за да ги намали трошоците.

    Помалку овошје, цвеќиња и зеленчук

    Ситуацијата е повеќе од алармантна. Оранжериите користат околу три милијарди кубни метри гас годишно, што е околу 8 отсто од вкупната национална количина. Количината се намали како што станаа достапни алтернативните извори на енергија. Сепак, оваа година до јуни потрошувачката се намали за неверојатни 23 проценти.

    „Голем број одгледувачи одлучуваат да го затворат својот бизнис, бидејќи не очекуваат никакви промени на краток рок “, рече Мишел ван Ши од Royal HollandFlora, задругата што ја води најголемата светска аукција на цвеќе во Алсмер.

    Нарачките на цвеќе од супермаркетите се намалени, бидејќи се очекува потрошувачите да купуваат помалку поради повисоките животни трошоци. Бидејќи земјоделците се во криза, во европските супермаркети може да има помало снабдување со овошје, зеленчук и цвеќиња надвор од сезоната, како и промена на локацијата на производството во земјите со потопла клима.

    Ван Ријсвик од Рабобанк рече дека актуелната криза најверојатно ќе ја преобликува индустријата: „ Како да се враќаме во историјата со Шпанија која произведува во зима, а северноевропските земји го произведуваат својот зеленчук само во лето “.

    За повеќе корисни стории посетете ја рубриката Агро вести, како и нашите групи на Facebook и Viber.

    spot_img
    spot_img
    spot_img
    spot_img