Тел: +38975383796 Е-пошта info@zemjodelie.mk

8.8 C
Skopje
Tuesday, March 19, 2024

More
    домаАгро ВестиЕпидемијата на птичјиот грип е незапирлива.

    Епидемијата на птичјиот грип е незапирлива.

    petel baner

    Вирусот на птичјиот грип се одомаќини, се јавува кај морските птици, но и кај цицачите. Тоа е само чекор до инфицирање на луѓето.

    Епидемијата на птичји грип незапирливо се шири во Европа. Холандските фармери стравуваат од забрана за чување живина на фармите во чувствителни предели.

    Повеќе од 3,7 милиони кокошки, патки и мисирки се убиени за да се спречи ширењето на болеста, пишува Гардијан. Голем број земјоделци беа погодени. Министерот за заштита на животната средина, Хенк Стагувер, призна дека птичјиот грип е неизбежен во земја каде што 19 отсто од површината е вода. Стагувер поднесе оставка и изјави дека не е вистинската личност за таа работа.

    Епидемија во текот на целата година

    Предлогот во владиниот извештај да се забрани работата на живинарските фарми лоцирани во близина на мочуриштата наиде на жесток отпор.

    „Понекогаш имаше епидемии во зима, но не секоја година. Сега гледаме дека вирусот останува насекаде во текот на годината, исто така и во лето “, рече д-р Ненси Биренс, експерт за птичји грип од Биоветеринарниот институт во Вагенинген. Таму тие анализираат примероци од ткиво од животни кои би можеле да бидат заразени со оваа болест и ја советуваат холандската влада.

    Таа изјави дека вирусот во Холандија го носат дивите птици преселници од Сибир. Порано кога заминуваа вирусот исчезнуваше, сега не е така. Сите видови птици се заразени, што значи дека вирусот останува и се вдомил. Забележале дека циркулира меѓу населението, а заразени се и морските птици.

    Agrobot

    Заболени и цицачи

    Биренс рече дека европските и американските соеви можеле да заразат лисици, еребици, јазовци и видри. Тоа е само еден чекор до заразување на луѓето. 

    Доаѓањето на вирусот на фармите се уште не е откриено, бидејќи пред неколку месеци на многумина им беше забрането да ги пуштат птиците на свеж воздух и да ги транспортираат насекаде.

    Prostor za reklama na zemjodelie.mk

    „Потребна е само мала количина на вирус што навлегува во објектите со луѓе или алатки, глодари, заразени пердуви или дождовница што тече од покривот каде што има измет од заразени птици “, рече Биренс.

    Сијдс Дијкстра, чија органска фарма во Зеволде беше првата што беше погодена од епидемијата во октомври 2021 година, рече дека ги чувал своите животни затворени во објекти. На неговата фарма биле уништени 36 илјади кокошки. Дијкстра смета дека решението лежи во ефикасната вакцинација, бидејќи целосно запирање на производството не е опција.

    За повеќе корисни стории посетете ја рубриката Агро вести, како и нашите групи на Facebook и Viber.

    tigar.mk baner
    spot_img
    spot_img
    spot_img
    spot_img
    spot_img
    spot_img
    spot_img