Тел: +38975383796 Е-пошта [email protected]

28.8 C
Skopje
Monday, June 24, 2024

More
    домаАгро советиБерба на дуњи: Кога е вистинското време?

    Берба на дуњи: Кога е вистинското време?

    petel baner

    Бербата на дуњи трае во текот на септември и до крајот на октомври, а времето на берба директно влијае на квалитетот на плодовите.

    Исто така, многу е важно како се берат дуњите бидејќи неправилното берење може да го намали родот следната година.

    Предвременото берење на дуњата може да предизвика големо губење на тежината и квалитетот на плодовите. Доколку се одложи бербата, постои ризик од прекумерно опаѓање на плодовите и појава на болести при складирањето кои предизвикуваат гниење на плодовите.

    Одредувањето на времето за берење на дуњата многу зависи од намената на плодот, односно дали ќе се користи за консумација или за индустриска преработка.

    Постојат две нивоа на зрелост – физиолошка или ботаничка и целосна или конзумна зрелост.

    agrounik

    Физиолошката или ботаничката зрелост на плодовите на дуњата може да се одреди на неколку начини. Притоа, обично се зема бројот на денови од целосното цветање до престанување на растот, односно до бербата. Потребни се 120 до 150 дена за да се развие плодот. Дека е време за берба во физиолошка зрелост укажуваат два сигурни показатели: плодовите лесно се одвојуваат од гранките и се жолти.

    Плодовите на дуњата, наменети за преработка, се берат во конзумно-технолошка зрелост. Тие се целосно, односно технолошки зрели кога добиваат најдобар вкус и мирис, како и карактеристичната боја за одредена сорта.

    Prostor za reklama na zemjodelie.mk

    За уште посигурно да се одреди оваа зрелост, најчесто се користи оптички мерен инструмент, рефрактометар. Овој уред се користи за одредување на содржината на шеќер во овошјето. А може да се користи практично за сите видови овошје.

    Содржината на шеќер е прикажана во единици брих. Еден брих е еднаков на 1 процент шеќер. Со ова мерење, производителот е сигурен дека финалниот производ ќе биде со висок квалитет.

    За повеќе корисни стории посетете ја страната на zemjodelie.mk, како и Земјоделските групи на Facebook и Вибер.

    tigar.mk baner
    spot_img
    spot_img
    spot_img
    spot_img
    spot_img
    spot_img
    spot_img
    spot_img