Тел: +38975383796 Е-пошта [email protected]

4.8 C
Skopje
Saturday, February 4, 2023

More
    домаАгро ВестиЕУ ја тресе афера со продажба на неисправно коњско месо

    ЕУ ја тресе афера со продажба на неисправно коњско месо

    Европол и шпанската цивилна гарда спроведоа заедничка операција која ја разоткри нелегалната продажба на коњско месо непогодно за консумирање. Откриени се илегални кланици, а уапсени се 41 лице.

    Групата ја сочинувале лица задолжени за колење животни без потребни контроли, возачи, но и ветеринари кои издавале лажни документи. На крајот од синџирот биле месарници кои продавале коњско месо непогодно за консумирање. Месото кое не може да се следи се продавало на шпанскиот, но и на белгискиот, германскиот и италијанскиот пазар.

    – Истрагата доведе до откривање на голема криминална мрежа која е поврзана со бројни криминални дејствија меѓу кои измама со храна, перење пари и фалсификување документи – објави Европол.

    Тие фалсификувале документи и со тоа оневозможиле трага на коњското месо. Истрагата опфатила шест фирми инволвирани во овој случај, а дејствија биле извршени и во Белгија.

    За време на рациите во Шпанија, запленето е половина тон од ова месо, несоодветно за консумирање

    Европол известува дека коњите се набавени во Шпанија бесплатно или по многу ниска цена од 100 евра по животно. Не биле наменети за пазарот на храна, но профитот бил голем.

    Од 2019 година, дивите трговци имаат комплетна фабрика и почнаа да извезуваат месо на други пазари во Европа. Шпанската полиција открила тајни објекти и пронашла 80 коњи кои биле злоупотребувани и запоставени. Тие биле болни и сместени во несоодветни објекти со лоши услови и недостиг на вода и храна, што, како што се истакна, претставува голем ризик за развој на зоонози, болести преносливи на човекот.

    Според извештаите, криминалците за една нелегална пратка добивале 35.000 евра, со проценет промет од 4,5 милиони евра. Остварен е незаконски профит од околу 1,5 милиони евра.

    Не е првпат Европол да организира вакви акции. Сличен скандал се случи и во 2017 година кога беа уапсени 66 лица кои учествуваа во меѓународната илегална трговија со коњско месо низ Европа.

    За повеќе корисни стории посетете ја рубриката Агро вести, како и нашите групи на Facebook и Вибер.

    Доколку нешто продавате или купувате посетете го огласникот WWW.PETEL.MK

    spot_img
    spot_img
    spot_img
    spot_img
    spot_img