Цените на пченицата и пченката периодов континуирано се намалуваат на светските берзи.
Цените на пченицата продолжија да паѓаат. На MATIF за тон пченица требаше да се издвои 281 евро, што е пад од 6 евра/т. Намалувањето на цените е предизвикано од испораката на руска пченица во Египет.
Во исто време, Украина предложи да се продолжи договорот за житарки на една година, наместо 120 дена како досега.
И цената на пченката падна за 1,75 евра/т. Така, цената на пазарот за март изнесува 291,75 евра/т. Цената на маслодајната репка падна за 2,75 евра/т, но сепак го задржа растот. За тон требаше да се издвојат 558 евра. Четвртокот донесе благ пораст на цените на сите култури на MATIF, а благ пад на берзата во Чикаго.
На CBoT цената на пченицата падна од почетните 260,03 евра/т на 255,18 евра/т. Потоа следеше пченката која бележи благ пад од почетната цена од 252,61 евра/т.
Истото се случи и со сојата чија цена на отворањето на берзата беше 536,60 евра/т, а кон средината на четвртокот 533,39 евра/т. Цената на овесот е 236,63 евра/т.
На цената на пченицата ќе влијае побарувачката од северноафриканските земји. Во ова подрачје зимата беше премногу топла и сува, што резултираше со слаба реколта и ја зголеми потребата за увоз.
Европската служба за прогнозирање MARS укажува дека најважните области за одгледување житни култури се погодени од суша. Ова првенствено се однесува на Алжир, Мароко, делови од Тунис и Либија. Падот на приносот се движи од 15 до 24 проценти. Жетвата на јачменот ќе биде помала во некои области и до 30 отсто. Се очекува и голем пад на приносите на пченицата.
За повеќе корисни стории посетете ја рубриката храната како лек, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
