Тел: +38975383796 Е-пошта [email protected]

23.8 C
Skopje
Tuesday, June 25, 2024

More
    домаситеНаправете сами Мед од грозје - Маџун

    Направете сами Мед од грозје – Маџун

    petel baner

    Маџун се прави и во Македонија и во Турција, но на поинаков начин и со различни состојки. Некои го прават како густ сируп, други како бонбони. Во Македонија го користел обичниот народ, а во Турција бил создаден како лек.

    Мед од грозје – маџун е слад од грозје, густ како мед, а се користи за зајакнување на имунитетот и со векови се прави од грозје.

    Приказната за маџун е стара колку грозјето, а во Тиквешијата, според археолошките истражувања, одгледувањето винова лоза ја гради својата традиција повеќе од 2.000 години.

    Тоа е традиционален македонски производ, целосно природен засладувач, без додаден шеќер, адитиви и конзерванси, со карактеристичен мирис и слатко-кисел вкус. Содржи високи нутритивни вредности, бидејќи содржи природен шеќер од грозје (гликоза и фруктоза), богат е со витамини растворливи во вода (B1, B2, B6 и C), минерали (K, Na, Ca, P, Fe), танини , флавоноиди и органски киселини.

    Маџубот има антиоксидативно дејство и придонесува за зајакнување на општото здравје и имунитет, а исто така го забрзува метаболизмот, ги согорува мастите и го регенерира црниот дроб. Особено се препорачува за спортисти, како и за луѓе кои имаат зголемени психофизички напори. Тоа е ефикасен природен лек кој помага при респираторни инфекции, нарушувања на црниот дроб или прекумерна тежина. Најдобро е да го консумирате секојдневно, бидејќи ќе придонесе за подобрување на целокупното здравје. Се препорачуваат 1-2 лажици растворени во чаша вода, чај или млеко.

    Како да направите маџун

    Подготовката не е тешка. Откако ќе се собере грозјето, се меле и се остава кратко време во комината, додека не се добие виното. Потоа се филтрира низ газа и се готви во големо тенџере додека не се добие густа маса, како мед. За време на готвењето, пената се отстранува од површината со помош на цедалка за чај. Кога е готов се префрла во стерилизирани тегли.

    Од 200 килограми грозје може да се добијат околу 15 килограми маџун. Со него се полнат палачинки, се преливаат крофни, а лекарите препорачуваат 1-2 лажици растворени во чаша вода за зајакнување на имунитетот.

    Често овој маџун се меша со истоименото слатко од Турција. Сепак, тоа не е иста работа.

    Османли маџун – Лековити бонбони

    Третманот со хербални препарати бил широко распространет во османлиското општество, а фармацијата како посебна научна дисциплина постоела веќе на почетокот на IX век. Османлиските фармацевти, популарно познати како актари, формирале посебен еснаф. Евлија Челебија, кој пишува за истанбулските занаети во тоа време, зборува и за продавачи на лековити пасти – маџуна.

    agrounik

    Во Турција, маџун е еден вид бонбони. Според легендата, во оваа смеса има 41 состојка кои можат да излечат исто толку болести.

    Се вели дека маџун првпат бил направен во Турција во 1540 година како лек за мајката на султанот Мехмед Фатиха. По нејзиното закрепнување, бонбоната ја доживеала својата популарност која трае до ден-денес. Кај луѓето постои верување дека ја враќа младоста и дека ако јадете само едно од овие слатки, нема да бидете болни цела наредна година.

    Prostor za reklama na zemjodelie.mk

    Денес во Истанбул има безброј улични тезги на кои на лице место се прават и продаваат лижавчиња во форма на спирала кои го носат ова име. За разлика од другите слатки, оваа бонбона има особено силен вкус и мирис.

    За повеќе корисни стории посетете ја рубриката храната како лек, како и нашите социјални мрежи Facebook и Viber.

    Доколку нешто продавате или купувате посетете го огласникот WWW.PETEL.MK

    tigar.mk baner
    spot_img
    spot_img
    spot_img
    spot_img
    spot_img
    spot_img
    spot_img
    spot_img