Состојките кои се користат за правење чоколадо се се поскапи, поради што ова омилено слатко станува се помалку прифатливо. Во Европа особено се зголеми цената на главната состојка, какаото.
Како што пренесува порталот „СвисИнфо“, според извештајот на швајцарската компанија „Бери Калебо“, цените на какаото во првиот квартал од годинава се повисоки за 8,1 отсто бидејќи побарувачката за него е поголема од понудата. Ова се случува по две години големи вишоци на таа суровина во магацините.
Поскап е и шеќерот. На светскиот пазар поскапува за 1,4 отсто поради намалувањето на извозот од Индија. Сепак, во Европа е поскап за 92 отсто поради ниските залихи и високите цени на енергијата.
Причината зошто цените за чоколадо се се поскапи се млечните производи кои се користат во нивното производство.
Цената на млекото е за 15,7 отсто повисока во однос на истиот период лани.
Цените на сите производи на најголемиот светски производител на храна Нестле минатата година се зголемија за 8,2 отсто. Сепак, чоколадните производи беа најмалку погодени од овој раст.
Како што се додава, чоколадната лента „Black Thunder“, произведена од јапонската компанија „Yuraku“, е една од најевтините во светот.
За последните три децении чинеше 30 јапонски јени. Љубителите на чоколадото во Јапонија беа непријатно изненадени кога на 1 март цената се зголеми за над 15 отсто, на 35 јени.
А кога „Јураку“ реши да купи поскапо какао од швајцарската компанија „Бери Калебо“ во 2019 година, потрошувачките цени останаа исти.
За повеќе корисни стории посетете ја рубриката Агро Вести, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
