Нов Зеланд е познат по одгледувањето овци, но бројот на животни во однос на бројот на луѓе во оваа земја падна на 5:1 за прв пат по 170 години.
Според последните податоци, бројот на овци во Нов Зеланд изнесувал 25,3 милиони во јуни 2022 година, што е намалување за 400.000 единки или два отсто во однос на 2021 година, пишува Гардијан.
Во Нов Зеланд живеат околу 5,15 милиони луѓе, така што бројот на овци во однос на бројот на луѓе е најмал од средината на 19 век, изјави Џејсон Атевел, експерт во Статистика.
Цената на волната на светскиот пазар значително падна во последната деценија. Цените на извозот на новозеландската волна речиси се преполовија меѓу 2013 и 2021 година, при што многу одгледувачи ги продаваат своите фарми или се свртуваат кон шумарството.
Независен извештај од 2022 година покажа дека 175.000 хектари фарми за овци и говеда биле продадени во Нов Зеланд од 2017 година, со намера тие фарми да се користат за шумарство.
За повеќе корисни стории посетете ја рубриката Агро Вести, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
