Одличен рецепт кој мора да го пробате во текот на летото дури трае сезоната на дињи.
Дињите се многу освежителни кога е жешко, а еве и една идеја како да ги направите уште поосвежителни во овие екстремно топли летни денови.
Потребни сосотојки:
1 диња
еден лимон
полна рака нане
50 грама шеќер
150 милилитри вода
Начин на подготовка:
Исечете ја дињата, извадете го семето од средината и фрлете го, а потоа извадете го месестиот дел од внатрешноста за да добиете шуплина.
Парчињата диња ставете ги во чинија со полна рака нане. Убаво изблендирајте ги додека нането да се спои со дињата.
Во тенџере загрејте 150 милилитри вода и во неа ставете 50 грама шеќер. Ставете лимонов сок од половина лимон и оставете ги полека да се спојат и загреат.
Потоа процедете ја смесата од диња и нане низ цедалка врз тенџерето и ќе добиете бистар чист сок од диња и нане. Мешајте ја смесата на оган, но не давајте и да проврие.
Добиената смеса ставете ја во соодветен сад за замрзнување и ставете ја во замрзнувач.
Сорбетот ќе се стврднува во замрзнувачот 3-4 часа, но вадете го секои 45 минути и убаво промешувајте го за да не добиете дебела коцка мраз.
Замрзнатиот сорбет од диња послужето го по ваш вкус. На крај ставете лист нане како декорација и уживајте во освежителниот вкус.
За повеќе корисни стории посетете ја рубриката Агро Вести, како и нашите социјални мрежи Facebook и Viber и Telegram.
Доколку нешто продавате или купувате посетете го огласникот WWW.PETEL.MK
