Есенската сеидба на грашок е одличен избор од две причини. Првата секако е дека младиот грашок посеан во есен, а кој пристигнува во рана пролет. Има повисока пазарна цена од тој што се сее во пролет. Покрај поголемиот материјален профит, друга придобивка е тоа што раниот грашок рано ја напушта парцелата и ја остава слободна за одгледување на други градинарски култури, а со тоа ја збогатува почвата со азот благодарение на бактериите што го прицврстуваат азотот и живеат на корените од растенијата.
Доколку сте решиле да посеете грашок наесен, еве 10 златни правила за успех.
- Есенската сеидба на грашокот треба да се врши од средината до крајот на октомври. Причината лежи во фактот дека до првите зимски мразови, растенијата можат доволно да се вкоренат, да пораснат до околу 5 до 7 сантиметри во висина и да развијат неколку листови. Тогаш тие се подготвени за временските услови во текот на зимските месеци.
- Почвата треба да биде средно лесна и пропустлива, по можност со pH вредност од 6,5 до 7,2. Мора да има ронлива структура за растението да се вкорени што е можно подобро. Потребно е да се обработува почвата пред сеидба, до длабочина од 30 сантиметри.
- За есенска сеидба на грашок изберете сорти со тркалезни или мазни семиња бидејќи тие покажуваат подобра толеранција на пониски температури. Подгответе и поголема количина на семиња отколку за пролетна сеидба бидејќи треба да се подготвите за губиток на одреден број растенија поради ниските температури.
- Исто така, пред сеидбата на грашок не треба да се нанесува ѓубриво на почвата бидејќи арското ѓубре доведува до создавање на голема количина зелена маса, а малку мешунки во грашокот.
Грашокот не поднесува монокултура, па затоа треба да се сее на истата парцела дури по четири или пет години. Негови одлични предкултури се: пченка, компири, домати и пиперки.
- Грашокот никнува на температура од 6 степени, а оптималната температура за ‘ртење на семето е 16 степени. Кога зборуваме за климатски услови, треба да обрнете внимание на заштита на раните растенија со прекривка или агротекстил за време на студените зимски денови и ноќи.
- Се сее на длабочина од 4 до 5 сантиметри. Растојанието меѓу редовите е од 15 до 20 сантиметри, додека во самиот ред е 6 сантиметри.
- Откако ќе го посеете, потребно е да ја валате почвата со што ќе се зголеми процентот на ‘ртење бидејќи ќе има подобар контакт помеѓу семките од грашокот и почвата.
- Ако нема врнежи или има премалку врнежи, почвата мора да се напои по сеидбата. Општо земено, процентот на PVK што треба да се одржува е 65-80.
- Ако сеете високи сорти грашок, неопходно е да им обезбедите пергола. Грашокот обично сам се фаќа за него, но можете и да го врзете.
- Уште една информација за есенскиот грашок – пристигнува за берба една или две недели побрзо од пролетниот грашок.
За повеќе корисни стории посетете ја рубриката Агро совети, како и нашите социјални мрежи Facebook, Viber и Telegram.
Доколку нешто продавате или купувате посетете го огласникот WWW.PETEL.MK
