Добиточна храна од инсекти и црви – почнува една нова индустрија за производство на добиточна храна која својата суровина за производство ќе ја прави од црви и инсекти.
Глобалната побарувачка за овие протеини од добиточна храна се очекува значително да се зголеми во наредната деценија
Во Данска е отворена најголемата фарма за инсекти во Северна Европа, Енорм Биофабрика, а во неа се инвестирани 70 милиони евра. На површина од 22.000 m² ќе се одгледуваат и преработуваат ларви од црната војничка мушичка ( Hermetia illucen ). протеини и масло.
Целта е да се произведуваат околу 100 тони ларви дневно и 10.000 тони оброк од инсекти годишно. Компанијата соработува со најголемата регионална мрежа за производство на инсекти во Европа, Farminsect.
Протеинска храна за свињи
Протеините од инсектите се сметаат за добра алтернатива на сојата, чија цена на светскиот пазар расте.
Се очекува дека глобалната побарувачка за овие протеини за добиточна храна значително ќе се зголеми во наредната деценија, односно до 2030 година на вкупно 500.000 t, што би било педесет пати повеќе од сегашниот обем на пазарот.
Планот е отпадот од прехранбената индустрија да се користи како храна за инсектите што ќе биде основа за нов производ, во случајов суровина за добиточна храна. Нивниот состав е споредлив со рибниот оброк, а како што истакнуваат е погоден за замена на соја за хранење прасиња и за гоење свињи .
Исто така, се наведува дека ова производство може да биде алтернативен приход за земјоделците. Високо автоматизираниот, модуларен систем за гоење е особено наменет за оние кои би сакале да имаат друг сегмент од производството, како поддршка во овие неизвесни времиња.
Голем потенцијал на мали ларви
По гоење, ларвите се преработуваат во масло од инсекти и брашно. Во испитувањата, овие производи веќе покажаа ветувачки резултати во однос на здравјето на животните како храна за живина и свињи.
Ларвите имаат краток циклус, една недела, и користат различни видови храна, односно отпад што го преработуваат.
Во ЕУ, тие беа одобрени како животни на фарма во 2017 година и оттогаш им е дозволено да се користат во необработена форма, живи или замрзнати, за хранење свињи, кокошки и риби.
Таа година беше дозволено и хранење со преработени протеини од инсекти во аквакултурата, а од септември 2022 година е можно и за свињи и кокошки.
Изгледа почнува цела нова индустрија која што ќе произведува инсекти кои што ќе служат за исхрана на животни.
Придружете се на нашата заедница на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
