ДОГОВОРИ ЗА ОДГЛЕДУВАЊЕ ДИВЕЧ – Врачени 67 нови договори – Министерот за земјоделство, шумарство и водостопанство, Цветан Трипуновски денеска на 28 корисници им врачи 67 нови договори за одгледување и заштита на дивечот.
Овие договори се во важност до објавување на јавен повик за давање на користење на дивечот во ловиштата и со нив се уредува одгледување и заштита на дивечот во ловиштата.
Во јули месец, на овие 28 корисници на дивечот во ловиштата востановени на територијата на Македонија, а кои со договор за користење/концесија стопанисуваа со 67 ловишта им беа истечени договорите за користење/концесија на дивечот во ловиштата.
– Започнавме со решавање на сите оние отворени прашања и проблеми во ловството во Македонија, воспоставуваме ред и контрола над дивечот во ловиштата, го подигнуваме ловството како стопанска гранка на повисоко ниво. Jа подобруваме општата ситуација во ловиштата во Република Македонија, конечно ќе имаме нормално и функционално користење на дивечот во ловиштата – истакна Трипуновски.
Министерството за земјоделство, шумарство и водостопанство во наредниот период ќе распише јавен повик за давање на користење на дивечот во ловиштата за 72 ловишта востановени на територијата на Република Македонија.
ДОГОВОРИ ЗА ОДГЛЕДУВАЊЕ ДИВЕЧ
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
