Хрватска и Грција се најголемите корисници на средства од фондовите за кохезија и заедничката земјоделска политика на Европската Унија, покажува истражувањето на германскиот Институт за економија (IW).
Според податоците, Хрватска била водечкиот нето-примател на средства од Кохезиониот фонд, со 2,45% од нејзиниот бруто национален доход. По неа следат Словачка со 2,06%, Унгарија со 1,77%, Летонија со 1,76% и Бугарија со 1,39% од БНД.
Целта на Кохезиониот фонд е да поттикне рамномерен развој во земјите членки на ЕУ. Како дел од солидарноста со помалку развиените региони, сите членки на ЕУ уплаќаат во овој фонд пропорционално на нивната економска сила, а средствата се користат од помалку развиените земји.
Во 2023 година, трошоците на ЕУ за кохезионата политика забележаа намалување по вторпат последователно, што според Институтот (IW), може да се припише на престанокот на исплатите од претходниот повеќегодишен буџет и започнувањето на трошењето од новиот.
Во однос на фондовите на ЕУ за земјоделство, кои се дел од Заедничката земјоделска политика, Грција била најголемиот корисник, со повлекување на средства што изнесуваат 1,05% од нејзиниот БДП. Следат Бугарија, Литванија, Летонија и Унгарија како значајни корисници.
Заедничката земјоделска политика на ЕУ се спроведува преку Земјоделскиот гарантен фонд и Европскиот земјоделски фонд за рурален развој.
Дополнително, Грција, со 1,31% од БДП, била пропорционално најголемиот корисник на средствата од „ЕУ Следната генерација“ (NextGenerationEU), по која следат Португалија и Хрватска, со по 1,2%.
Преку овој фонд, земјите членки можат да добијат неповратни заеми за реформи, инвестиции и решавање на економски и енергетски предизвици.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
