Косово воведе итна забрана за увоз на овци и кози од Македонија
Косовската агенција за храна и ветеринарство донесе одлука за итна забрана на увоз на овци и кози од Македонија, поради појава на заразно заболување кај ситниот добиток во регионот на Липково.
Од Агенцијата информираат дека одлуката е заснована на официјални извештаи од ADIS и Светската организација за здравје на животните (WOAH), со кои е потврдена присутност на болеста кај овците и козите во овој дел од земјата.
Забрана и за нуспроизводи од овци и кози
Во соопштението се наведува дека, согласно Законот за ветеринарство бр. 2004/21, забраната не се однесува само на живи животни, туку и на нивните нуспроизводи, вклучително кожи и волна, како и на производи кои не се термички третирани и потекнуваат од Македонија.
Мерката стапува на сила веднаш
Од Косовската агенција за храна и ветеринарство нагласуваат дека мерката стапува на сила веднаш и ќе остане во сила сè додека не се изврши нова проценка на состојбата од страна на меѓународните ветеринарни институции и надлежните органи во Косово.
Целта на забраната е заштита на здравјето на животните и спречување на евентуално ширење на заразата на територијата на Република Косово.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
