Тоа не е случаен избор. Тоа е одлука од која директно зависи приносот, квалитетот и на крајот — приходот.

Зошто изборот на сортата е толку важен?

Пиперката е култура со широк асортиман на сорти и типови, и секоја сорта има свои специфични барања и особини. Она што одговара за еден регион или временски период, не мора да даде добри резултати на друго место или во друга сезона.

При изборот на сортата треба да се имаат предвид неколку клучни работи:

• 1
  Периодот на одгледување — сортата треба да одговара на сезоната. За есенско-зимското производство во заштитен простор, задолжително се бираат сорти поотпорни на послаба светлина и поголеми температурни варијации.
• 2
  Типот на пиперката — дали се работи за лута или блага пиперка, зависи од пазарот и интересот на откупувачите.
• 3
  Пласманот и откупот — пред да се набави семе, паметно е однапред да се провери дали постои интерес за откуп или продажба на конкретниот тип пиперка.
• 4
  Здравствената состојба на семето — семенскиот материјал мора да биде декларирано, здравствено исправно семе.

Дезинфекција на семето — чекор кој многумина го прескокнуваат

Семето треба да биде претходно третирано со дозволени фунгициди за дезинфекција. Доколку тоа не е сторено, постапката е следна:

Припрема на површината — основа за здрав расад

Квалитетниот расад почнува уште пред да се посее семето. Површината каде ќе се произведува расадот мора да биде темелно подготвена.

Подготовката опфаќа:

• 1
  Фитосанитарни и хигиенски мерки — отстранување на остатоци, чистење, спречување на извори на зараза
• 2
  Обработка на површината — добро рамнење и стабилизација
• 3
  Дезинфекција на почвата — особено важно при повторно користење на ист простор
• 4
  Мерење на pH и EC вредностите — без ова не може да се знае дали почвата е соодветна за пиперка

Контејнерско производство — препорачан начин

Во современото расадопроизводство, производството во контејнери (стиропорни или пластични) со употреба на готов супстрат е стандард. Предностите се јасни — висок квалитет на расадот, поедноставна работа и помал ризик.

Квалитетниот супстрат мора да биде:

• лесно пропустлив за вода и воздух
• без остатоци од болести и штетници
• со регулирана pH вредност
• со доволно хранливи елементи

Леите каде се поставуваат контејнерите треба да бидат добро порамнети и загреани до препорачаната температура.

А топлите леи?

Постои и постар начин на работа — таканаречените топли леи. Во нив се поставува слој од непрегорено арско ѓубре на одредена длабочина, набива се, а потоа се додава плодна почва во сооднос 2:2:1 (два дела прегорено арско ѓубре, два дела плодна почва и еден дел песок). Иако некои производители сè уште го применуваат овој метод, тој е поризичен и сè помалку во употреба.