Лисни вошки се мали паразитски еднаквокрилни инсекти. Се среќаваат по листовите на разни видови растенија, цвеќиња, четинарски и листопадни дрвја.
Лисните вошки имаат голема репродуктивна способност. Во Македонија се среќаваат лисни вошки на различни видови домаќини, како ружина лисна вошка, праскина лисна вошка, јаболкова вошка и лозина вошка.
Лисните вошки се можеби едни од најздодевните и најомразени штетници во градината. Тие може брзо да им наштетат на цвеќињата и понекогаш изгледа едноставно невозможно да се стави овој проблем под контрола.
Сепак, можете брзо и лесно да ставите крај на овој чест проблем, благодарение на следните 3 испробани домашни начини:
Со вотка
Лисните вошки лесно може да бидат отстранети со помош на вотка. Едноставно исипете го овој алкохол во шише-спреј и напрскајте го засегнатото растение. Покрај вотка, на ист начин може да употребите и Кока-Кола за овој проблем.
Со пепел
Вошките исто така може да бидат избркани со пепел. Растворете 200-300 гр пепеле во 5 литри врела вода, добро измешајте ги состојките и оставете го растворот да се излади. Потоа прецедете го и додадете 20 гр добро изгмечен сапун и напрскајте ги засегнатите делови од растението.
Со кора од портокал
Ослободете се од здодевните лисни вошки и со ароматичната кора од портокал. Полејте 1 килограм кори со 10 литри топла вода и оставете ја смесата да отстои 3 дена, а потоа прецедете и напрскајте го растението.
За повеќе корисни стории посетете ја рубриката Агро Вести, како и нашите социјални мрежи Facebook и Viber.
Доколку нешто продавате или купувате посетете го огласникот WWW.PETEL.MK
