Најотровната печурка во Македонија -Во Македонија има околу 700 видови на печурки.
Oкoлу 200 вида од габите во Македонија можат да се користат во исхраната или имаат медицински својства, додека околу 120 вида се отровни.
Што се однесува до невротропните габи, во кои припаѓаат и халуциногените габи, кај нас се регистрирани 40 вида, од 216 познати во светот.
Во однос на препознавањето на видовите габи во смисла дали се отровни или не, не постои правило, ниту начин или постапка според која кога ќе видиме некој вид габа можеме да кажеме дали се јаде или не или, пак, дали е отровна.
Што се однесува до најотровната печурка кај нас, тоа е зелената пупавка, чие латинско име е Amanita phalloides. Треба да се истакне дека ова е всушност најотровна печурка воопшто во светот, а се среќава и во Македонија.
– Смртоносната доза е околу 70 грама или едно плодно тело, т.е. една печурка. Овој вид има бела боја на целото плодно тело, додека горниот дел на шапката (чадорчето) е со зеленикаво-жолтеникава боја.
Најотровната печурка во Македонија – Понекогаш кај младите приеморици шапката може да биде бледо зеленикава или речиси бела.
Поради тоа, некои собрирачи на печурки ги собираат ваквите примероци како шампињони и со тоа прават огромна грешка, што најчесто завршува со смрт.
Екстремно опаснаи и потенцијално смртоносна печурка, содржи токсини кои ги оштетуваат или уништуваат црниот дроб и бубрезите.
Токсини: бициклични пептиди наречени Аматоксини и Фалотоксини
Симптоми: Време на почеток од 6 до 12 часа (до 36 часа).
Симптоми абдоминална болка, повраќање, водена дијареа: симптомите се намалуваат по околу еден ден; потоа околу 72 часа по ингестијата, гастроинтестиналните симптоми се повторуваат заедно со знаците на претстојната откажување на црниот дроб.
Во фатални случаи, смртта се јавува 7 до 10 дена по првиот почеток на симптомите.
Придружете се во нашата заедница на Земјоделие.мк на Вибер, Телеграм, Фејсбук бидете дел од најголемето земјоделско семејство во кое сте секогаш добредојдени.
Доколку нешто продавате или купувате посетете го огласникот WWW.PETEL.MK
