Треба ли воопшто да повторуваме зошто е петок за многу луѓе најубавиот ден во животот.Не, не е помислата на викенд и два неработни денови, туку помислата на грав, па уште и посен.
Во петок се знае, посен грав – НЕКА ГРМИ нека пука 🙂
Еве што е потребно за да се направи посно гравче:
- 500 Гр Бел по можност Тетовски Грав
- 1 Главица Кромид
- 2 чешнина Лук
- 1 сува Пиперка (може и лута по желба)
- Сол, Вегета, Бибер по желба
- Ловоров лист
Начин на Приготвување
- Навечер ставете го гравот во тенџере со вода да одстои преку ноќ
- Сабајлето исцедете ја водата со гравот и ставете нова ладна вода па ставете го да проврие па и таа вода исцедете ја фрлете ја и налијте млака вода во гравот и ставете малку масло во гравот па оставете го да се вари на тивко.
- Кога ќе проврие водата ставете го Кромидот сувата Пиперка и лукот и посолете го .
- Гравот нормално треба да се свари за сат и пол до два саата на твки оган со додавање вода
- Некаде после еден и пол саат земете еден поголем сад па во него извадете го кромидот пиперката и малку грав и додадете вегета па сето тоа убаво издробете го да се добие една кремаста состојка која ќе ја вратите во Гравот па заедно нека се вари барем уште половина саат за да се згусти.
- Обавезно се додава везена пиперка, ловоров лист
За повеќе корисни совети и рецепти можете да се информирате во рубриката Лековита исхрана.
Обавезно фрлете неколку води ако не сакате да ги искинете панталоните 🙂
