Кога растенијата добиваат вишок на азот, тие стануваат попривлечни за инсектите и болестите. Исто така може да предизвика прекумерен раст и да ја намали јачината на стеблата.
Зошто и каде се појавува?
Проблеми со вишокот N се случуваат кога земјоделците не ја разбираат точната количина % на азот потребна во однос на потребите на културата што се одгледува и вистинското време на негова примена.
Како да се идентификува?
Полињата со прекумерен азот имаат растенија кои:
-изгледаат премногу зелени.
-може да имаат тенки стебла.
-може да биде склоно кон болести (на пр. напади на литовите од бактерии или инсекти.
Исто така, може да има неправилности кои произлегуваат од нееднаква примена низ полето.
Слични симптоми можат да бидат предизвикани и од недостаток на фосфор (Р) каде што растенијата имаат темно зелени листови. Но, сепак, растенијата со недостаток на Р имаат застој во растот. За да ја утврдите причината за проблемот, проверете го полето со тестови и анализа на почвата. Прекумерната N предизвикува „раскошен“ раст. Прекумерниот раст исто така може да ја намали јачината на стеблото што резултира во време на цветање и полнење на зрната. Додека знаците на токсичност на азот малку варираат врз основа на растението што го одгледувате.
Постојат некои универзални сигнали кои укажуваат на токсичност на азот како проблем со кој се соочувате:
-Исклучително темно зелени лисја
-“Горење“ на врвовите на листовите, предизвикувајќи да станат кафеави
-Некои листови се претвораат во жолти, поради изобилство на азот, но и на недостаток на други хранливи материи.
Совети за намалување на содржината на азот во почвата
- Користење на растенија што ќе го намалат азотот во градинарската почва. Со цел да се отстрани вишокот на азот во почвата, треба да го поврзете азотот што е во почвата со нешто друго. За среќа, како градинар, веројатно одгледувате многу работи што го врзуваат азотот. Со други зборови, растенијата кои повеќе побаруваат азот или не.
Секое растение користи малку азот во почвата, но растенијата како тиква, зелка, брокула и пченка, трошат големи количини на азот додека растат. Со одгледување на овие растенија каде има премногу азот во почвата, растенијата ќе го потрошат вишокот азот. Сепак, бидете свесни дека, иако тие ќе растат таму, растенијата може да изгледаат болни и нема да дадат многу плодови или цветови. Имајте на ум дека не ги одгледувате овие растенија за храна, туку повеќе како сунѓери кои ќе помогнат во намалувањето на содржината на азот во почвата.
2. Користење на прекривка за отстранување на вишокот азот во почвата. Многу луѓе користат прекривка (мулч) во својата градина против плевели и имаат проблеми со прекривката што го троши азотот во почвата, додека се распаѓа.
Кога имате премногу азот во почвата, можете да го користите овој начин. Особено, прекривка пилевина од старо меко дрво работи добро и тие ќе искористат поголеми количини на азот во почвата додека се распаѓаат.
Иако можете да преземете чекори кон намалување на азотот во градинарската почва, најдобро е да избегнете додавање на премногу азот во почвата. Внимателно користете органски ѓубрива од живина или хемиски ѓубрива со голем % азот. Тестирајте ја почвата пред да додадете азот во неа за да избегнете вишок азот во вашата почва.
Автор: Тодор Лонго
За повеќе корисни стории посетете ја рубриката Агро совети, како и нашите социјални мрежи Facebook и Viber.
