Цената на пченицата падна на европскиот фјучерс пазар на 333 евра за тон. Ова се должи поради договорот за извоз меѓу Русија и Украина.
Во Истанбул беше потпишан договор меѓу Русија и Украина за извоз на украинско жито од пристаништата на Црното Море.
Генералниот секретар на ОН Антонио Гутереш ги повика овие две земји целосно да го имплементираат документот. Тој го отвора патот за „значителни количини на комерцијален извоз на храна“ од трите клучни украински пристаништа – Одеса, Чорноморск и Јужне, според SkyNews .
Гутереш рече дека договорот ќе биде од корист за земјите во развој „на работ на банкрот и за најранливите луѓе на работ на глад“.
Штом веста за потпишувањето стигна во јавноста, веднаш предизвика пад на цените.
Пад од 18 проценти
Цената на пченицата падна за 18% за тон на 333 евра, пренесува Agrarheute.
Потпишаниот документ гарантира безбедно функционирање на извозните правци во Црното Море. Вклучува и формирање на координативен центар под покровителство на Обединетите нации. Тоа подразбира деминирање на украинските пристаништа, заеднички инспекции на излезите и влезовите во пристаништата и напори за обезбедување безбедност на извозот. Координативниот центар за извозни пратки ќе биде во Истанбул, Турција и ќе вклучува претставници од ОН, Турција, Русија и Украина.
Рускиот претседател Владимир Путин на 19 јули во Техеран изјави дека Москва е подготвена да го олесни извозот на жито од Украина. За возврат да се укинат ограничувањата за рускиот извоз на храна. Москва е подготвена да дозволи непречен премин на бродовите со украинско жито. Сепак прво Киев мора да ги исчисти своите пристаништа од мини.
За повеќе корисни стории посетете ја рубриката Агро вести, како и нашите групи на Facebook и Viber.
