Брашно од коприва – Лесно се прави, не чини ништо, а лековито е. Во продолжение прочитајте што ви е потребно.
Брашно од коприва се прави од суви и мелени листови од коприва. Исклучително е богато со железо и доволна е само една лажица за да ја обезбеди потребната доза на организмот. Ова брашно е повеќенаменско и можете да го користите при правење тесто, супи, каши…
Покрај тоа што е богата со железо, копривата е полна и со витамини и минерали. Чајот или чорбата од коприва се подеднакво лековити. Од фино брашно може да се направи домашна козметика, а од крупно мелено брашно може да се направи храна или чај од коприва.
Расте во градината и не чини ништо
Значи правењето на ова брашно е вистинско “џабе”. Она што е важно е да најдете здрави, незагадени коприви. Доцна пролет или почетокот на летото е идеално за берба. Ако не можете да најдете здрава, тогаш подобро е да ја купите. Младите листови содржат најмногу хранливи материи.
Подготовка
Внимателно измијте ги свежите листови и фрлете ги оштетените. Препорачливо е да носите ракавици бидејќи копривата може да ја иритира кожата. Ставете ги измиените листови помеѓу две крпи за да ја впие водата што е можно подобро. Можете да ги исушите претходно, но ризикувате да ги оштетите, подобро е да го направите тоа во рерна. Загрејте на 120°C и ставете ги листовите во тенок слој околу 2-3 часа. Вратата на рерната треба да биде малку подотворена (1-2 см) за да може да излезе влажен воздух. Ако е можно, вклучете го вентилаторот, бидејќи значително ќе ја забрза циркулацијата на воздухот и ќе го скрати времето на сушење.
Кога листовите ќе станат кршливи и се распаѓаат на допир, извадете ги од рерната и смачкајте ги со раце. Отфрлете ги стеблата и сите други делови што се уште се влажни. Вратете ги искршените листови во рерна и продолжете со сушењето уште еден час за да бидете сигурни дека тие се целосно суви. Потоа сомелете ги. Просејте го брашното низ сито. Некои поголеми честички ќе останат во ситото, па можете да ги сомелете во аванот и потоа повторно да ги просеете.
Од 300 гр свежа коприва (листови и стебла) или 150 гр свежи листови ќе добиете околу 20-25 гр ситно брашно и околу 10-15 гр дополнително крупно мелено брашно што останува по просејувањето. Да се чува во херметички затворена тегла на темно, суво и ладно место.
За повеќе корисни стории посетете ја рубриката агро забава како и Земјоделските групи на Facebook и Viber.
