Ликер од јајца со право се смета за еден од „рецептите на светот“. Тоа е ароматичен, сладок, кремаст пијалок кој е богат со зачини. Засладува и грее, а традиционално се пие во зима, за време на празници. Со задоволство го пијат во САД, Канада, Холандија, скандинавските земји, а ни на нашите домаќинки не им е непознат. Идеален е како божиќно уживање, и убав крај на долгиот пост.
Постојат различни верзии на овој ликер во различни земји, но во секој рецепт основата се состои од изматени јајца. Може да се пие или да се користи за подготовка на десерти.
Имајте на ум дека ова е исклучително калоричен и хранлив напиток, кој треба да се консумира умерено. Жолчките од јајце се корисни за здравјето во студените зимски денови, го зајакнуваат имунитетот и отпорноста на организмот, а поволно делуваат и на функционирањето на бубрезите, црниот дроб и мозокот.
Ликерот од јајца се чува во фрижидер и се служи целосно ладен. Се служи во широки чаши и украсен со цимет.
Еве како да го подготвите:
Во тенџере измешајте литар млеко, неколку каранфилчиња и малку цимет и загрејте неколку минути на тивок оган.
Во посебен сад се матат десет жолчки со 300 гр шеќер за да се добие пенеста маса, па постепено со постојано мешање се додава зачинетото топло млеко. Сè заедно ставете во тенџере и варете неколку минути.
Смесата треба да се згусне, а во никој случај не смее да загори бидејќи ќе добие непријатна миризба која би го уништила ликерот. Готовата течност процедете ја, а кога ќе се олади додадете 400 грама слатка павлака, две лажички екстракт од ванила, 250 мл рум и морско оревче по вкус.
Вака подготвен ликер може да стои во фрижидер десет дена, па дури и малку повеќе. Наместо рум, можете да користите и ракија со неутрална арома, како и коњак.
За повеќе корисни стории посетете ја рубриката агро забава како и Земјоделските групи на Facebook и Viber.
Доколку нешто продавате или купувате посетете го огласникот WWW.PETEL.MK
